Brinda OTT Review:
సీనియర్ స్టార్ నటి త్రిష కృష్ణన్ తాజాగా బృందా అనే వెబ్ సిరీస్ తో ఓటీటీ లలో అడుగుపెట్టారు. సూర్య మనోజ్ వంగల దర్శకత్వం వహించిన ఈ వెబ్ సిరీస్ ఆగస్టు 2 నుండి సోనీ లైవ్ లో స్ట్రీమ్ అవుతోంది. ఈ సిరీస్ గురించి పెద్దగా ప్రమోషన్స్ కూడా చేయలేదు కానీ.. విడుదలయ్యాక మాత్రం మంచి హిట్ అయింది.
సీరియల్ కిల్లర్స్, మూఢ నమ్మకాలు చుట్టూ తిరిగే ఈ వెబ్ సిరీస్ లో 8 ఎపిసోడ్లు ఉంటాయి. 40 నిమిషాల పాటు ఉండే ఒక్కో ఎపిసోడ్ ప్రేక్షకులకు చాలా బాగా నచ్చేసింది. సీరియల్ కిల్లర్ జానర్ లో వచ్చిన ఈ సిరీస్ లో ట్విస్టులు, చాలా బాగా చూపించారు.
మొత్తం మీద, ‘బృంద’ ఒక మంచి తెలుగు OTT సిరీస్‌గా నిలిచింది. ఆసక్తికరమైన విషయం ఏమిటంటే.. త్రిష నటించిన ఫిమేల్ సెంట్రిక్ సినిమాలు ఇప్పటిదాకా ఎప్పుడు పెద్దగా వర్కౌట్ అవలేదు. కానీ ఈ సిరీస్ మాత్రం మంచి రెస్పాన్స్ అందుకుంటోంది.
తమన్నా భాటియా, శ్రీయ శరన్, కాజల్ అగర్వాల్, శృతి హాసన్, సమంత, త్రిష. ఇప్పటిదాకా ఈ ఆరుగురు స్టార్ హీరోయిన్లే డిజిటల్ ప్లాట్‌ఫార్మ్‌లలో అడుగుపెట్టారు. తమన్నా నాలుగు వెబ్ సిరీస్‌లలో నటించారు ’11th అవర్’ తో ఎంట్రీ ఇచ్చి ‘నవంబర్ స్టోరీ’, ‘జీ కర్దా’, ‘ఆఖరి సచ్’ లో నటించారు. అందులో ‘జీ కర్దా’ తప్ప మరే సిరీస్ హిట్ అవ్వలేదు.
కాజల్ అగర్వాల్ ‘లైవ్ టెలికాస్ట్’, శ్రీయ శరన్ ‘షో టైం’, శృతి హాసన్ ‘బెస్ట్ సెల్లర్’తో ఓటిటి అరంగేట్రం చేశారు. కానీ ఈ షోలు కూడా ప్రేక్షకులను ఆకట్టుకోవడంలో విఫలమయ్యాయి. కానీ సమంత ది ఫ్యామిలీ మాన్: సీజన్ 2 వంటి సూపర్ హిట్ తో డిజిటల్ అరంగేట్రం చేశారు. ఆమె తర్వాత త్రిష కే విజయవంతమైన డిజిటల్ అరంగేట్రం దక్కింది.
