టాలీవుడ్‌ త్రిష ఒకప్పుడు స్టార్ హీరోయిన్‌ల్లో ఒకరు. కానీ ఇప్పుడు ఈ అమ్మాడు తెలుగులో కంటే తమిళ్ లోనే ఎక్కువగా కనిపిస్తుంది. ఆ మధ్య వరుసగా సినిమాలు చేసిన వర్కౌట్ అవ్వలేదు. లేడి ఓరియెంటెడ్ ట్రై చేసిన కుదరలేదు ఈ బ్యూటీకి. దాంతో కెరియర్ అయిపోతుందనుకుంటున్న సమయంలో విజయ్ సేతుపతి తో కలిసి ’96’ అనే సినిమాలో నటించింది. ఈ సినిమా అక్కడా సూపర్‌ హిట్‌ అయ్యింది.
దాంతో ఈ అమ్మడిని మెగాస్టార్ చిరంజీవి కొరటాల శివ కాంబినేషన్లో వస్తున్న ‘ఆచార్య’ సినిమాలో హీరోయిన్ గా ఎంపిక చేసారు. కానీ కొన్ని క్రియేటివిటీ డిఫరెన్స్ కారణంగా త్రిష ఈ సినిమాకు నో చెప్పినదని వినికిడి. ఇదిలా ఉంటే మాస్ మహారాజ రవితేజ త్వరలో.. రాక్షసుడు ఫెమ్ రమేష్ వర్మ దర్శకత్వంలో ఓ సినిమా చేయబోతున్నాడు. ఈ సినిమాకు హీరోయిన్ గా త్రిషను సంప్రదిస్తున్నారని తెలుస్తుంది. రవితేజ సరసన నటించేందుకు త్రిష కూడా సిద్ధంగా ఉందని తెలుస్తుంది. ఈ ఇద్దరు కలిసి గతం లో కృష్ణ సినిమాలో నటించారు.
