హీరో ఆది సాయికుమార్ నటిస్తున్న తాజా చిత్రం మూవీ ‘టాప్ గేర్’. రియా సుమన్ ఈ సినిమాలో హీరోయిన్‌గా నటించింది. క్రైమ్ యాక్షన్ థ్రిల్లర్ గా తెరకెక్కుతున్న ఈ మూవీని కె. శశికాంత్ తెరకెక్కిస్తున్నారు. శ్రీధనలక్ష్మీ ప్రొడక్షన్స్ ఆదిత్య మూవీస్ అండ్ ఎంటర్ టైన్ మెంట్స్ సమర్పణలో కె.వి. శ్రీధర్ రెడ్డి నిర్మిస్తున్నారు. డిసెంబర్ 30న ఈ మూవీని భారీ స్థాయిలో రిలీజ్ చేయబోతున్నారు. ఈ సందర్భంగా చిత్ర బృందం ప్రమోషన్స్ ని స్టార్ట్ చేసింది.
ఇప్పటికే విడుదలైన ఫస్ట్ లుక్ టైటిల్ మోషన్ పోస్టర్ సినిమాపై అంచనాల్ని పెంచేసింది. ఆ తరువాత సిధ్ శ్రీరామ్ పాడిన ‘వెన్నెల పాట’ ప్రస్తుతం సోషల్‌ మీడియాలో వైరల్‌ అవుతుంది. తాజాగా ఈ మూవీ టీజర్ ని దర్శకుడు మారుతి విడుదల చేశారు. ఆత్యంతం ఆసక్తికరంగా సాగుతున్న ఈ టీజర్ విశేషంగా ఆకట్టుకుంటోంది. ఈ సినిమాలో హీరో ఆది సాయికుమార్ టాక్సీ నడిపై వ్యక్తిగా కనిపించనున్నట్టుగా తెలుస్తోంది. ఈ సినిమాలో.. బ్రహ్మాజీ, సత్యం రాజేష్, బెనర్జి, చమ్మక్ చంద్ర, రేడియో మిర్చి హేమంత్ తదితరులు నటిస్తున్నారు.
