టాలీవుడ్‌ యంగ్‌ హీరో కార్తీక్‌ రాజు నటిస్తున్న తాజా చిత్రం ‘అధర్వ’. మహేష్‌ రెడ్డి డెరెక్షన్‌లో వస్తున్న ఈ సినిమా డిఫరెంట్‌ కాన్సెప్ట్‌తో తెరకెక్కుతుంది. సుభాష్ నూతలపాటి నిర్మాతగా వ్యవహరిస్తున్నారు. ఈ సినిమా తెలుగు, తమిళ, కన్నడ, మలయాళ భాషల్లో ఏకకాలంలో రూపొందిస్తున్నారు. మాస్‌ మహారాజా రవితేజ ఇటీవలే విడుదల చేసిన టైటిల్‌ లోగో, మోషన్‌ పోస్టర్‌కు మంచి స్పందన వచ్చింది.
తాజాగా ఈ సినిమా నుండి హీరో యాక్షన్‌ లుక్‌ని విడుదల చేశారు. ఈ సినిమాలో కార్తీక్‌ పవర్‌ఫుల్‌ పాత్రలను పోషించినట్లు పోస్టర్‌ చూస్తే తెలుస్తుంది. ‘ది సీకర్‌ ఆఫ్‌ ది ట్రూత్‌’ అనే ట్యాగ్‌ లైన్‌ తో ‘అధర్వ’ ప్రేక్షకుల ముందుకు రానుంది. శ్రీచరణ్‌ పాకాల ఈ సినిమాకి సంగీతం అందిస్తున్నారు. సిమ్రాన్‌ చౌదరి, ఐరా, అవింద కృష్ణ, కల్పిక గణేష్‌ తదితరులు ఈ సినిమాలో నటిస్తున్నారు.
