టాలీవుడ్ ప్రముఖ నిర్మాత దిల్ రాజు దిల్ రాజు నేడు 50వ పుట్టినరోజు జరుపుకుంటున్నారు. ఈ సందర్భంగా ఆయన కుమార్తె హన్షితా రెడ్డి టాలీవుడ్ సినీ ప్రముఖులకు గ్రాండ్ పార్టీ ప్లాన్ చేశారు. ‘దిల్ రాజు@50ఇయర్స్’ అనే పేరుతో నిర్వహించిన ఈ పార్టీలో స్టార్స్ అందరూ సందడి చేశారు. దిల్ రాజు పుట్టినరోజు వేడుకలకి దాదాపు టాలీవుడ్ అగ్ర హీరోలు అంతా హాజరైనట్లు తెలుస్తోంది. ఈ పార్టీకి సంబంధించిన ఫోటోలు సోషల్‌ మీడియాలో చక్కర్లు కొడుతున్నాయి.
చిరంజీవి, మహేష్ బాబు, పవన్ కళ్యాణ్, ప్రభాస్, రామ్ చరణ్, నాగచైతన్య, సమంత, ‘కేజీఎఫ్’ దర్శక హీరోలు ప్రశాంత్ నీల్, యష్ , విజయ్ దేవరకొండ, విశ్వక్ సేన్, పూజాహెగ్డే, రాశీఖన్నా తదితరులు సందడి చేశారు. లాక్ డౌన్ కాలంలో సింపుల్ గా సెకండ్ మ్యారేజ్ చేసుకున్న దిల్ రాజు ఈ బర్త్ డే సెలబ్రేషన్స్ లో తన సతీమణిని అందరికీ పరిచయం చేసినట్లు తెలుస్తోంది. ప్రస్తుతం ఈ ఫోటోలు వైరల్ అవుతున్నాయి.
