Revanth Reddy – Allu Arjun:
తెలుగు సినిమా పరిశ్రమ, తెలంగాణ ప్రభుత్వ మధ్య అల్లు అర్జున్ కేసు ప్రధాన వివాదంగా మారుతోంది. ఇటీవల సంధ్య థియేటర్ ఘటనలో అల్లు అర్జున్‌కు జారీ చేసిన బెయిల్ రద్దు కోసం పోలీసులు హైకోర్టులో పిటిషన్ వేయడానికి సిద్దమవుతున్నారని వార్తలు వినిపిస్తున్నాయి. ఈ నేపథ్యంలో అల్లు ఫ్యామిలీ చాలా జాగ్రత్తలు తీసుకుంటోంది.
పరిశ్రమ పెద్దలు సీఎం రేవంత్ రెడ్డి ని కలవడానికి సిద్ధమవుతున్నారు. ముఖ్యంగా మెగాస్టార్ చిరంజీవి పేరును చర్చల్లోకి తీసుకురావాలని భావిస్తున్నారు. అరెస్ట్ సమయంలో చిరంజీవి అల్లు అర్జున్ ఇంటికి వెళ్లినా, ఇప్పటి వరకు ఈ కేసుపై ఆయన గానీ, పవన్ కళ్యాణ్ గానీ అధికారికంగా స్పందించలేదు. అయితే, ఈ వివాదాన్ని సాఫీగా ముగించడానికి అల్లు కుటుంబం చిరంజీవిని సంప్రదించిందట. మరోవైపు, పరిశ్రమ పెద్దలు పవన్ కళ్యాణ్‌ను కూడా కలవడానికి ప్రయత్నిస్తున్నారు.
Actor Allu Arjun appears before Chikkadapally police regarding Sandhya theatre stampede cases.
He was arrested earlier and is on interim
bail.
Bail condition says he should cooperate with investigation.#Hyderabad #AlluArjunArrest pic.twitter.com/RKbWNRbJ2i— Sudhakar Udumula (@sudhakarudumula) December 24, 2024
ఈ కేసుకు మించి, తెలంగాణ ప్రభుత్వం ఇటీవల ప్రకటించిన నిర్ణయాలు తెలుగు సినిమా పరిశ్రమకు పెద్ద షాక్ ఇచ్చాయి. ముఖ్యంగా బెనిఫిట్ షోలు నిలిపివేయడం, టికెట్ ధరల పెంపును ఆపడం వంటి చర్యలు సంక్రాంతి విడుదలలకు సమస్యగా మారాయి. సంక్రాంతి పండుగ కాలం సినీ పరిశ్రమకు ముఖ్యమైన మార్కెట్. ఈ నిర్ణయం కేవలం తెలంగాణను మాత్రమే కాకుండా ఆంధ్రప్రదేశ్‌ను కూడా ప్రభావితం చేసే అవకాశం ఉంది.
ఈ సమస్యలపై తెలంగాణ ఫిల్మ్ డెవలప్మెంట్ కార్పొరేషన్ చైర్మన్ దిల్ రాజుతో కూడా చర్చలు జరుగనున్నాయి. ఈ కేసు పరిష్కారానికి పరిశ్రమ ఏమైనా కొత్త చర్యలు చేపడుతుందా? ముఖ్యమంత్రి రేవంత్ రెడ్డి ఎలా స్పందిస్తారు? అనేది వేచి చూడాలి.
ALSO READ: ఈ ఏడాది ప్రేక్షకులను షేక్ చేసిన Tollywood Controversies
