కన్నడ స్టార్‌ హీరో యశ్‌ నటించిన ‘కేజీఎఫ్‌’ చిత్రం సౌత్‌ ఇండస్ట్రీలో సంచనలం సృష్టించి బాక్సాఫిక్‌ వద్ద రూ.200 కోట్ల వసూళ్లు సాధించింది. ఈ సినిమాతో యశ్‌ జాతీయ స్థాయిలో ప్రశంసలు అందుకున్నారు. ఇక ఈ సినిమా సీక్వేల్‌గా ‘కేజీఎఫ్‌ చాప్టర్‌ 2’ తెరకెక్కుతున్న విషయం తెలిసిందే. తొలిభాగం బ్లాక్‌బస్టర్‌ హిట్‌ సొంతం చేసుకోవడంతో అందరి చూపు రెండవ భాగం చాప్టర్‌-2 పైనే ఉంది. దీంతో సెంకడ్‌ పార్టులో ఫేమస్‌ బాలీవుడ్‌ యాక్టర్లు ఈ చిత్రం భాగమైపోయారు. ఇప్పటికే పవర్‌ఫుల్‌ యాక్టర్‌ సంజయ్‌దత్‌ విలన్‌ అధీర పాత్రలో నటిస్తుండగా.. తాజాగా బాలీవుడ్‌ యాక్టర్‌ రవీనా టాండన్‌ కూడా ఈ సినిమా షూటింగ్‌ జాయిన్‌ అయ్యారు. ఈ సందర్భంగా దర్శకుడు ప్రశాంత్ నీల్‌ రవీనా టాండ‌న్‌తో కలిసి దిగిన ఫోటోని షేర్ చేశారు.
కాగా ప్రస్తుతం కేజీఎఫ్‌-2లో టాలీవుడ్ నటుడు రావు రమేష్ నటిస్తున్నట్లు దర్శకుడు ప్రశాంత్ నీల్‌ ట్వీట్‌ చేశారు. ఆయనతో దిగిన ఫోటోను షేర్ చేస్తూ.. ‘కేజీఎఫ్‌-2 షూటింగ్‌కు స్వాగతం. ఆయన పాత్ర సినిమాలో ఎలా ఉండబోతుందనేది ప్రేక్షకులకు దృష్టికే వదిలేస్తున్నాం. కేజీఎఫ్‌-2లో భాగస్వామ్యమైనందుకు రావు రమేష్‌కు థాంక్యూ’ అంటూ ట్వీట్‌ చేశారు. దీంతో ఆయన పాత్ర తెరపై ఎలా ఉంటుదనేది ఆసక్తికరంగా మారింది. హొంబలే ఫిల్మ్స్‌ నిర్మిస్తున్న ఈ చిత్రానికి రవి బాసుర్‌ సంగీతం అందిస్తున్నారు. శ్రీనిధి శెట్టి, శరణ్‌ శక్తి ఇతర కీలక పాత్రల్లో నటిస్తున్నారు. ఈ ఏడాది జూన్‌లో సినిమాను విడుదల చేసేందుకు చిత్రబృందం సన్నాహాలు చేస్తోంది.
Welcome on board Rao Ramesh sir.
We will leave it to the audience to keep guessing on this one, till they see you on the big screen.
Thank you for being apart of #KGFChapter2 pic.twitter.com/fWteQ5YnHm— Prashanth Neel (@prashanth_neel) February 10, 2020
