రవితేజ హీరోగా నటిస్తున్న తాజా చిత్రం టైగర్ నాగేశ్వరరావు. ఈ సినిమాకు వంశీ దర్శకత్వం వహిస్తున్నాడు. ఇప్పటికే విడుదలైన గ్లింప్స్ వీర లెవల్లో అంచనాలు క్రియేట్‌ చేసింది. ఎప్పుడెప్పుడు సినిమా రిలీవుతుందా అని ప్రేక్షకులు ఎదురు చూస్తున్నారు. ఇండియ‌న్ రాబిడ్ హుడ్‌గా పిలవ‌బ‌డే గ‌జ‌దొంగ టైగర్ నాగేశ్వరరావు జీవిత క‌థ అధారంగా ఈ సినిమా తెర‌కెక్కుతుంది. 70,80 ద‌శ‌కాల్లో నాగేశ్వరరావు ఆంధ్ర ప్రదేశ్‌లో భారీ ఎత్తున దొంగ‌త‌నాలు, దోపిడీలు చేస్తూ పోలీసుల‌కు చిక్కకుండా త‌ప్పించుకునే వాడు. ఇలాంటి గ‌జ‌దొంగ క‌థ బ‌యోపిక్‌గా తెర‌కెక్కుతుండటంతో ప్రేక్షకుల‌లో తీవ్ర ఆసక్తి నెల‌కొంది.
కాగా తాజాగా ఈ సినిమా టీజర్‌పై దర్శకుడు వంశీ చిన్న అప్డేట్ ఇచ్చాడు. హలో తమ్ముళ్లు, మీ మెసేజ్‌లు చూసి మళ్లీ మీకు ఆకలేస్తుందని అర్థమైంది. ఈ సారి మనం పెంచిన పులి వేటాడటానికి సిద్ధమయ్యింది. త్వరలోనే టీజర్‌ డేట్‌ అనౌన్స్‌ చేస్తాము. కొంచెం ఓపిక పట్టండంటూ టీజర్‌ అప్డేట్ అడుగుతన్న ఫ్యాన్స్‌కు రిప్లై ఇచ్చాడు. దాంతో త్వరలోనే టీజర్‌ కూడా రాబోతుందని స్పష్టమైంది. అభిషేక్ అగ‌ర్వాల్ ఆర్ట్స్ బ్యాన‌ర్‌పై అభిషేక్ అగ‌ర్వాల్ అత్యంత ప్రతిష్టాత్మకంగా ఈ చిత్రాన్ని నిర్మిస్తున్నాడు. జీవి ప్రకాష్ సంగీతం అందిస్తున్నాడు. రేణుదేశాయ్‌ కీలకపాత్రలో నటిస్తున్న ఈ సినిమాలో నుపూర్ సనన్, గాయత్రి భరద్వాజ్‌లు హీరోయిన్‌లుగా నటిస్తున్నారు.
