రవితేజ నటిస్తున్న తాజా చిత్రం ‘టైగర్ నాగేశ్వరరావు’. ఈ సినిమాకు వంశీ దర్శకత్వం వహిస్తున్నాడు. ఇప్పటికే రిలీజైన గ్లింప్స్ వీర లెవల్లో అంచనాలు క్రియేట్‌ చేసింది. ఎప్పుడెప్పుడు సినిమా రిలీవుతుందా అని మూవీ ఫ్యాన్స్‌ ఎదురుచూస్తున్నారు. ఇండియ‌న్ రాబిడ్ హుడ్‌గా పిలవ‌బ‌డే గ‌జ‌దొంగ టైగర్ నాగేశ్వరరావు జీవిత క‌థ ఆధారంగా ఈ సినిమా తెర‌కెక్కుతుంది.
తాజాగా ఈ సినిమాకు సంబంధించిన మేజర్‌ అప్‌డేట్‌ను చిత్రయూనిట్ వెల్లడించింది. ఈ సినిమా ట్రైలర్‌ అప్‌డేట్‌ను మంగళవారం రాత్రి 8గంటలకు వెల్లడించనున్నట్లు మేకర్స్‌ తెలిపారు. ఈ మేరకు ఓ స్పెషల్ పోస్టర్‌ను రిలీజ్‌ చేశారు. ఇప్పటికే రిలీజైన టీజర్‌కు వీర లెవల్లో రెస్పాన్స్‌ వచ్చింది. పాన్‌ ఇండియా స్థాయిలో రిలీజ్‌ కాబోతుంది.
ఈ సినిమాను అభిషేక్ అగ‌ర్వాల్ ఆర్ట్స్ బ్యాన‌ర్‌పై అభిషేక్ అగ‌ర్వాల్ అత్యంత ప్రతిష్టాత్మకంగా నిర్మిస్తున్నాడు. జీవి ప్రకాష్ సంగీతం అందిస్తున్నాడు. రేణుదేశాయ్‌ కీలకపాత్రలో నటిస్తున్న ఈ సినిమాలో నుపూర్ సనన్, గాయత్రి భరద్వాజ్‌లు హీరోయిన్‌లుగా నటిస్తున్నారు.
