Thug Life: తమిళ ప్రముఖ నటుడు కమల్ హాసన్ ప్రధాన పాత్రలో నటిస్తున్న తాజా చిత్రం ‘థగ్ లైఫ్’. ఈ సినిమాలో త్రిష హీరోయిన్‍గా నటిస్తుంది. ఐశ్వర్య లక్ష్మి, పంకజ్ త్రిపాఠి అభిరామి, నాజర్, అలీ ఫజల్, సాన్యా మల్హోత్రా కూడా కీరోల్స్ చేస్తున్నట్టు తెలుస్తోంది. ఈ చిత్రానికి హీరో కమల్ హాసన్, దర్శకుడు మణిరత్నం నిర్మాతలుగానూ ఉన్నారు.
యాక్షన్ డ్రామాగా తెరకెక్కుతున్న ఈమూవీకి స్టార్ డైరెక్టర్ మణిరత్నం దర్శకత్వం వహిస్తున్నాడు. 36 ఏళ్ల తర్వాత కమల్ – మణిరత్నం కాంబో రిపీట్ అవుతుండటంతో ఈ సినిమాపై భారీ అంచనాలు ఉన్నాయి. నాయకన్ తర్వాత ఈ ఇద్దరూ ఇప్పుడే కలిసి పని చేస్తున్నారు. తాజాగా ఈ మూవీ ఇంటర్నేషనల్ ఓవర్సీస్ థియేట్రికల్ హక్కుల డీల్ కుదిరింది.
ఈమూవీ థియేట్రికల్ డిస్ట్రిబ్యూషన్ హక్కులను ఏపీ ఇంటర్నేషనల్, హోం స్క్రీన్ ఎంటర్‌టైన్‍మెంట్ సంయుక్తంగా సొంతం చేసుకున్నాయి. ఏకంగా రూ.63కోట్లను ఈ ఓవర్సీస్ హక్కుల ద్వారా థగ్ లైఫ్ సొంతం చేసుకున్నట్లు తెలుస్తోంది. దళపతి విజయ్ హీరోగా నటించిన లియో సినిమా ఓవర్సీస్ రైట్స్ గతేడాది రూ.60కోట్లకు అమ్ముడయ్యాయి.
అయితే, ఇప్పుడు థగ్ లైఫ్ మూవీ ఓవర్సీస్ డీల్ రూ.63 కోట్లకు జరిగిందని సమాచారం బయటికి వచ్చింది. దీంతో లియోను బీట్ చేసి అత్యధిక ఓవర్సీస్ థియేట్రికల్ బిజినెస్ చేసిన తమిళ మూవీగా థగ్ లైఫ్ రికార్డు దక్కించుకుంది. ఆర్.మహేంద్రన్, శివ అనంత్ కూడా నిర్మాణంలో భాగంగా ఉన్నారు. ఈ సినిమాకు ఆస్కార్ అవార్డు విజేత ఏఆర్ రెహమాన్ సంగీతం అందిస్తున్నారు.
