Thug Life OTT:
ఉలగనాయగన్ కమల్ హాసన్, స్టార్ డైరెక్టర్ మణిరత్నం కలిసి చేస్తున్న కొత్త సినిమా Thug Life పై భారీ అంచనాలు ఉన్నాయి. ఈ హై-బడ్జెట్ మూవీ లో హీరోయిన్ గా త్రిష కృష్ణన్ నటిస్తున్నారు. ప్రస్తుతం ఈ సినిమా షూటింగ్ ఇంకా జరుగుతోంది.
సినిమా విడుదల కాకముందే ప్రముఖ OTT ప్లాట్‌ఫామ్ నెట్‌ఫ్లిక్స్, ఈ సినిమా డిజిటల్ స్ట్రీమింగ్ హక్కులను ఏకంగా రూ. 150 కోట్లకు సొంతం చేసుకున్నట్లు వార్తలు వస్తున్నాయి. సినిమా ఇప్పటికీ నిర్మాణంలో ఉన్నప్పటికీ, ఇంత భారీ మొత్తం వసూలు చేయడం ప్రేక్షకులలో ఆసక్తి రేపుతోంది.
ఈ చిత్రంలో త్రిషతో పాటు ఐశ్వర్య లెక్ష్మీ, సిమ్బు, గౌతమ్ కార్తిక్, నాజర్, పంకజ్ త్రిపాఠి, అలీ ఫజల్ వంటి ప్రముఖ నటులు కీలక పాత్రల్లో కనిపించనున్నారు. ఈ ప్రాజెక్టును కమల్ హాసన్, మణిరత్నం, ఆర్. మహేంద్రన్, శివ ఆనంత్ కలిసి నిర్మిస్తున్నారు. సినిమాకి సంగీతం ఏఆర్ రెహ్మాన్ అందిస్తున్నారు, ఇది సినిమాకి హైలైట్ గా నిలుస్తుంది అని చిత్ర బృందం చెబుతోంది.
Read More: Thandel: స్టార్ హీరోలతో వద్దు అని సీనియర్ హీరోలతో పోటీ పడుతున్న నాగ చైతన్య
థగ్ లైఫ్ భారీ బడ్జెట్ తో.. ప్రతిష్టాత్మక తారాగణం తో.. అత్యున్నత సాంకేతిక విలువలతో రూపొందుతుంది. చిత్రబృందం ఈ సినిమాతో ప్రేక్షకులకు విజువల్ ఫీస్ట్ ఇవ్వడానికి రెడీ అవుతున్నట్లు సమాచారం. మణిరత్నం దర్శకత్వంలో తెరకెక్కుతున్న ఈ సినిమా ప్రేక్షకులకు కొత్త అనుభూతి అందించేలా ఉంటుందని ఫ్యాన్స్ ఆల్రెడీ కామెంట్స్ వినిపిస్తున్నాయి.
