Hanu Man movie:
తేజ సజ్జ హీరోగా ప్రశాంత్ వర్మ దర్శకత్వంలో ప్రేక్షకుల ముందుకి వచ్చిన Hanu Man సినిమా బాక్స్ ఆఫీస్ వద్ద ఎంత పెద్ద బ్లాక్బస్టర్ అయిందో ప్రత్యేకంగా చెప్పాల్సిన అవసరం లేదు. చిన్న బడ్జెట్ సినిమాగా వచ్చి బాక్స్ ఆఫీస్ వద్ద మాత్రం పెద్ద మొత్తంలో కలెక్షన్లు నమోదు చేసుకున్న సినిమా ఇది. అదిరిపోయే క్లైమాక్స్ తో ఈ సినిమాకి డైరెక్టర్ సీక్వెల్ కూడా ప్రకటించారు.
అమృత అయ్యర్ హీరోయిన్ గా నటించిన ఈ సినిమాలో వరలక్ష్మీ శరత్ కుమార్ కీలక పాత్రలో కనిపించారు. గెటప్ శ్రీను కూడా తన కామెడీతో ప్రేక్షకులను బాగానే అలరించారు. వినయ్ రాయ్ సినిమాలో మెయిన్ విలన్ గా కనిపించారు. అయితే తాజా సమాచారం ప్రకారం మరొక ప్రముఖ నటుడు ఈ సినిమాలో మెయిన్ విలన్ పాత్రలో కనిపించాల్సిందట.
ఆయన మరెవరో కాదు ఎస్ జె సూర్య. మొదట ఈ సినిమాలో ముఖ్య విలన్ పాత్ర కోసం ఎస్ జె సూర్య అనే సంప్రదించారట. కానీ అటు తెలుగు ఇటు తమిళ్ సినిమాలతో బిజీ బిజీగా ఉన్న ఎస్ జె సూర్య భారీ రెమ్యూనరేషన్ డిమాండ్ చేస్తారని.. ఆ ఆలోచనను విరమించుకున్నట్లు తెలుస్తోంది. చిన్న బడ్జెట్ సినిమా కాబట్టి.. నటీనటుల మీద ఎక్కువ బడ్జెట్ పెట్టకుండా ప్రశాంత్ వర్మ సినిమాని పూర్తి చేశారు. సంక్రాంతి సందర్భంగా విడుదల ఈ బ్లాక్ బస్టర్ అయిన ఈ సినిమాకి సీక్వెల్ జై హనుమాన్ కూడా త్వరలో ప్రేక్షకుల ముందుకు రాబోతోంది.
ఇలా ఎస్ జె సూర్య ఒక సూపర్ హిట్ సినిమాలో అవకాశాన్ని కోల్పోయారు. ఈ మధ్యనే భారతీయుడు 2 సినిమాలో కనిపించిన ఎస్టేట్ సూర్య నాని హీరోగా నటిస్తున్న సరిపోదా శనివారం సినిమాతో త్వరలో ప్రేక్షకులు ముందుకు రాబోతున్నారు. రామ్ చరణ్ హీరోగా శంకర్ దర్శకత్వంలో దొరక ఎక్కుతున్న గేమ్ చేంజెస్ సినిమాలో కూడా ఎస్ జె సూర్య కీలకపాత్రలో కనిపించనున్న సంగతి తెలిసిందే.
