Niharika about PK Balu movie:
షార్ట్ ఫిలిమ్స్ తో తన కెరీర్ ని మొదలు పెట్టిన నిహారిక కొనిదెలా తర్వాత హీరోయిన్ గా కూడా ప్రేక్షకులను పలకరించింది. అయితే హీరోయిన్ గా మంచి పేరు తెచ్చుకున్న నిహారిక ఇప్పుడు నిర్మాతగా కూడా తన అదృష్టాన్ని పరీక్షించుకోబోతోంది.
అయితే తాజాగా ఒక ఇంటర్వ్యూలో మాట్లాడుతూ నిహారిక అసలు తను నటిగా మారడానికి కారణం తన బాబాయ్ పవర్ స్టార్ పవన్ కళ్యాణ్ చేసిన ఒక సినిమా అని చెబుతోంది. ఆ సినిమా మరేదో కాదు బాలు. పవన్ కళ్యాణ్, శ్రీయ హీరో హీరోయిన్లుగా నటించిన బాలు సినిమా తన జీవితంలో కీలక పాత్ర పోషించినట్లు చెప్పింది నిహారిక. ఆ సినిమా చూశాకే ఇండస్ట్రీలో కెరియర్ సెట్ చేసుకోవాలని నిహారిక ఫిక్స్ అయిందట.
ముఖ్యంగా ఆ సినిమాలోని ‘నీలో జరిగే’ పాట తనని చాలా ఇన్ఫ్లుయెన్స్ చేసిందట. ఆ పాటలో ఎమోషనల్ డెత్ తనకి బాగా నచ్చిందని, ఆ పాట చూస్తున్నప్పుడే నటనలో అడుగు పెట్టాలని నిర్ణయించుకున్నానని చెప్పింది నిహారిక.
అలా పవన్ కళ్యాణ్ సినిమాలోని ఒకే ఒక్క పాట.. నిహారిక తన కెరీర్ కి సంబంధించి కీలక నిర్ణయం తీసుకునేలాగా చేసింది. మరొక ఇంటర్వ్యూలో మాట్లాడుతూ నిహారిక ముందు డాక్టర్ అవ్వాలని అనుకున్నట్టు చెప్పింది. కానీ తర్వాత అది తన వల్ల కాదు అని అర్థం అవడంతో ఆ ఆలోచన మానుకుందట.
అలా డాక్టర్ అవ్వాల్సిన నిహారిక పవన్ కళ్యాణ్ సినిమా కారణంగా హీరోయిన్ గా మారిపోయింది. ఈ మధ్యనే ప్రొడ్యూసర్ గా కూడా మారిన నిహారిక కమిటీ కుర్రాళ్ళు అనే ఒక సినిమాతో త్వరలో ప్రేక్షకుల ముందుకు రాబోతోంది. ఆగస్టు 9న ఈ సినిమా విడుదల కాబోతోంది.
