నంద‌మూరి క‌ల్యాణ్‌రామ్ హీరోగా నటిస్తున్న చిత్రం ‘డెవిల్’. నవీన్ మేడారం దర్శకత్వంలో వస్తున్న ఈ పాన్‌ ఇండియా మూవీలో మలయాళ బ్యూటీ సంయుక్తా మీనన్‌ హీరోయిన్‌గా నటిస్తోంది. ఈ మూవీ నుంచి మేకర్స్ ఇటీవలే మాయే చేసి సాంగ్‌ ను విడుదల చేయగా.. మ్యూజిక్ లవర్స్‌ను ఇంప్రెస్ చేస్తోంది. తాజాగా సెకండ్‌ సింగిల్‌ ను లాంఛ్ చేశారు.
శ్రీహర్ష ఎమని రాసిన ఈ పాటను హర్షవర్దన్ రామేశ్వర్ కంపోజిషన్‌లో రాజకుమారి పాడింది. ఇరానీ నటి, మోడల్ ఎల్నాజ్ నోరౌజీ హాట్ హాట్ లుక్స్‌, స్టెప్పులతో అదరగొట్టేస్తుంది. కల్యాణ్ రామ్‌ రాయల్‌ లుక్‌లో మెస్మరైజ్‌ చేస్తుండగా.. కలర్‌ఫుల్‌గా సాగుతున్న ఈ పాట సినిమాకే హైలెట్‌ కాబోతుంది అంటున్నారు.
ది బ్రిటీష్ సీక్రెట్ ఏజెంట్ ట్యాగ్ లైన్‌తో తెరకెక్కుతున్న డెవిల్ ఫస్ట్ లుక్ పోస్టర్‌, గ్లింప్స్ వీడియో సినిమాపై క్యూరియాసిటీ పెంచుతున్నాయి. ఈ చిత్రానికి హర్షవర్దన్ రామేశ్వర్ మ్యూజిక్, బ్యాక్ గ్రౌండ్ స్కోర్‌ అందిస్తున్నాడు. ఈ మూవీనిఅభిషేక్ పిక్చర్స్ బ్యాన‌ర్‌లో అభిషేక్‌ నామా నిర్మిస్తున్నారు. ఈ చిత్రానికి శ్రీకాంత్ విస్సా కథనందిస్తున్నారు. ఇప్పటికే లాంఛ్ చేసిన డెవిల్ టైటిల్ అనౌన్స్ మెంట్ టీజర్‌ సోషల్ మీడియాలో హల్ చల్‌ చేస్తోంది.
