యంగ్‌ హీరో నితిన్‌ ‘అ..ఆ’ సినిమా రోజుల్ని గుర్తు చేసుకున్నారు. మాటల మాంత్రికుడు త్రివిక్రమ్‌ శ్రీనివాస్‌ నితిన్‌ కాంబినేషన్‌లో వచ్చిన చిత్రం ఇది. సమంత ఈ సినిమాలో హీరోయిన్‌గా నటిస్తున్నారు. 2016 జూన్‌లో ప్రేక్షకుల ముందుకొచ్చిన ఈ సినిమా మంచి హిట్‌ అందుకుంది. అయితే తాజాగా నితిన్‌ ప్రస్తుతం ‘భీష్మ’ సినిమా షూటింగ్‌లో బిజీగా ఉన్నారు. ఈ సినిమాలోని ఓ సన్నివేశం ‘అ..ఆ’ సినిమా సెట్‌లో జరుగుతోంది. ఈ సందర్భంగా నితిన్‌ ఓ వీడియోను షేర్‌ చేశారు. ‘ఈ ఇంటితో అనేక మధుర జ్ఞాపకాలు ఉన్నాయి. ‘అ..ఆ’ ఓ అద్భుతమైన ప్రయాణం. ఇదే ఇంటిలో ‘భీష్మ’ కోసం చిత్రీకరణ జరుగుతోంది. త్రివిక్రమ్‌ గారు.. ఐ మిస్‌ యూ’ అని ఆయన పోస్ట్‌ చేశారు. వీడియోలో నితిన్‌ సరదాగా ఏడుస్తున్నట్లు నటిస్తూ కనిపించారు.
‘భీష్మ’ చిత్రానికి వెంకీ కుడుముల దర్శకత్వం వహిస్తున్నారు. రష్మిక హీరోయిన్‌. మరోపక్క నితిన్‌-వెంకీ అట్లూరి కాంబినేషన్‌లో ‘రంగ్‌దే’ సినిమా తెరకెక్కనుంది. దీనికి దేవిశ్రీ ప్రసాద్‌ సంగీతం అందిస్తున్నారు. నితిన్‌, రాక్‌స్టార్‌ కాంబినేషన్‌లో వస్తోన్న తొలి సినిమా ఇది కావడం విశేషం.
Going down the memory lane…this house reminds of many fond memories…A Aa…was such a wonderful journey. Shooting for #Bheeshma…in the same house 😇 Trivikram garuuuu…I miss you.. pic.twitter.com/LaG07MhdBu
— nithiin (@actor_nithiin) August 26, 2019
