టాలీవుడ్‌ బ్యూటీ అనుష్క పై తరచు ఎదో ఒక ఆసక్తికర వార్త సోషల్‌ మీడియాలో వైరల్‌ అవుతూనే ఉంటుంది. తాజా ఈ జేజమ్మకు సంబంధించిన ఓ వార్త చక్కర్లు కొడుతోంది.స్వీటీ త్వరలో సినిమాలకు గుడ్‌బై చెప్పబోతుంది అని రూమర్స్‌ వినిపిస్తున్నాయి. ఇకపై అనుష్క సినిమాలకు దూరం కావాలి అని నిర్ణయించుకున్నట్లు తెలుస్తోంది. ఈ విషయాన్ని తన సన్నిహితుల వద్ద ఆమె ప్రస్తావించినట్లు వినికిడి.
టాలీవుడ్‌లో నాగార్జున ‘సూపర్‌’ సినిమాతో ఎంట్రీ ఇచ్చి కెరీర్‌ను ప్రారంభించింది. ఆ తరువాత తెలుగు, తమిళంలో ఎన్నో విజయవంతమైన చిత్రాల్లో నటించింది. అంతేకాదు లేడీ ఓరియెండెట్ మూవీలతో మెప్పించింది. తాజాగా అనుష్క నటించిన నిశ్శబ్దం చిత్రం విడుదల సిద్ధంగా ఉంది. కరోనా కారణంగా ఈ మూవీని ఓటీటీలో రిలీజ్ చేయలా..? లేదా థియేటర్లలో విడుదల చేయాలన్న అన్న ఆలోచనలో ఉన్నారు దర్శక నిర్మాతలు. ఇక ఈ మూవీ తరువాత అనుష్క మరే చిత్రానికి ఓకే చెప్పలేదు. గౌతమ్ మీనన్ దర్శకత్వంలో ఆ మధ్యన ఓ మూవీకి అనుష్క ఓకే చెప్పినా.. ఆర్థిక ఇబ్బందుల కారణంగా ఈ సినిమా వాయిదా పడిందట. కోలీవుడ్ సమాచారం ప్రకారం ఈ మూవీ ఇప్పట్లో ఉండకపోవచ్చని తెలుస్తోంది. మరోవైపు అనుష్కకు పెళ్లి చేయాలన్న ఆలోచనలో ఆమె కుటుంబ సభ్యులు ఉన్నారు. వీటన్నింటిని దృష్టిలో పెట్టుకునే అనుష్క సినిమాలకు దూరం అవుతున్నట్లు తెలుస్తోంది. మరి ఈ వార్తలపై అనుష్క ఎలా స్పందింస్తుందో చూడాలి.
