నాగార్జున హీరోగా నటించిన తాజా చిత్రం ‘ది ఘోస్ట్’. ప్రవీణ్ సత్తారు డైరెక్షన్‌లో వచ్చిన ఈ సినిమాని సునీల్ నారంగ్, శరత్ మరార్, రామ్మోహన్ రావు నిర్మించారు. యాక్షన్ థ్రిల్లర్ జోనర్లో నిర్మితమైన ఈ సినిమాను దసరా కానుకగా అక్టోబర్ 5వ తేదీన విడుదల కానుంది.
ఈ నేపథ్యంలో ఈ సినిమా ప్రీ రిలీజ్ ఈవెంట్ కి సన్నాహాలు చేస్తున్నారు. ఈ నెల 25వ తేదీన ఈ సినిమా ప్రీ రిలీజ్ ఈవెంట్ ను నిర్వహించనున్నట్టు ప్రకటించారు. ఈ కార్యక్రమానికి ‘కర్నూల్’ ఎస్.టి.బి.సి కాలేజ్ గ్రౌండ్స్ .. వేదిక కానుంది. నాగచైతన్య, అఖిల్ ఈ ప్రీ రిలీజ్ ఫంక్షన్‌కి హాజరు కానున్న విషయాన్ని తెలియజేస్తూ పోస్టర్ ను విడుదల చేశారు.
ఈ సినిమా సోనాల్ చౌహన్ హీరోయిన్‌గా నటించింది. సురేంద్రన్, రవి వర్మ, శ్రీకాంత్ అయ్యంగార్ ముఖ్యమైన పాత్రలను పోషించారు. మార్క్ కె రాబిన్ బ్యాక్ గ్రౌండ్ స్కోర్ ఈ సినిమాకి హైలైట్ గా నిలవనుందని అంటున్నారు.
