నాగార్జున హీరోగా ప్రవీణ్ సత్తారు డైరెక్షన్‌లో వస్తున్న చిత్రం’ఘోస్ట్’. సోనాల్ చౌహాన్ హీరోయిన్‌గా నటిస్తున్న ఈ సినిమా విడుదల తేదీపై మూవీ యూనిట్‌ క్లారిటీ ఇచ్చింది. తమ చిత్రం అక్టోబరు 5నే రిలీజ్ అవుతుందని స్పష్టం చేశారు. ఈ దసరా బరిలో ‘ఘోస్ట్’ కూడా ఉండనుంది. ఇదే రోజున మెగాస్టార్ చిరంజీవి నటించిన ‘గాడ్ ఫాదర్’ చిత్రం కూడా వస్తుంది. దాంతో దసరా సీజన్ లో పెద్ద హీరోల సందడి షురూ కానుంది.
శ్రీవెంకటేశ్వరా సినిమాస్ ఎల్ఎల్ పీ, నార్త్ స్టార్ ఎంటర్ టైన్ మెంట్స్ బ్యానర్లపై రూపొందుతున్న ఈ చిత్రాన్ని పుస్కూర్ రామ్మోహన్ రావు, శరత్ మరార్ నిర్మిస్తున్నారు. ఇటీవల విడుదలైన ట్రైలర్ ‘ఘోస్ట్’ చిత్రంపై అంచనాలను భారీగా పెంచేసింది.
