The Family Man Last Season:
ది ఫ్యామిలీ మాన్ వెబ్ సిరీస్ ఓటిటి లో ఒక సంచలనం సృష్టించిన సిరీస్ గా నిలిచిన సంగతి తెలిసిందే. ఈ సిరీస్‌తో బాలీవుడ్ నటుడు మనోజ్ బాజ్‌పాయి కెరీర్‌ తిరిగి ట్రాక్‌లోకి వచ్చింది. అసలు ఆయన చేతిలో ఒక్క సినిమా కూడా లేదు అని అందరూ అనుకుంటున్న సమయంలో ఈ సిరీస్ తర్వాత ఆయనపై ఆఫర్ల వర్షం కురిసింది.
ఈ సిరీస్ అమెజాన్ ప్రైమ్ లో విడుదలై ఒక కల్ట్ క్లాసిక్‌గా నిలిచింది. ఈ సిరీస్‌లో రెండవ సీజన్‌లో సమంత ప్రధాన పాత్ర పోషించారు. ఆమె హిందీ కెరీర్‌ ఈ ప్రాజెక్ట్‌తో పెద్ద మలుపు తిరిగింది. ఇప్పుడు ఈ సిరీస్ మూడవ సీజన్ కోసం ప్రేక్షకులు ఎంతో ఆసక్తిగా ఎదురుచూస్తున్నారు. త్వరలోనే ఈ సీజన్ విడుదల కానుంది.
అయితే, తాజా సమాచారం ప్రకారం, ది ఫ్యామిలీ మాన్ సిరీస్ నాల్గవ సీజన్‌తో పూర్తి కాబోతోంది అని సమాచారం. సిరీస్‌ను ఇంక పెంచకుండా నాల్గవ సీజన్‌తో ముగించాలని మేకర్స్ నిర్ణయించారని తెలుస్తోంది. ఈ నిర్ణయం తీసుకోవడానికి ప్రధాన కారణం కథను మరింత సాగదీయకుండా, అభిమానులకు హ్యాపీ ఎండింగ్ ఇవ్వడమే అని తెలుస్తోంది.
ఈ సిరీస్ వెనుక తెలుగులో రాజ్, డీకే అనే దర్శక ద్వయం ఉన్నారు. ది ఫ్యామిలీ మాన్ సిరీస్ ఒక అండర్ కవర్ ఏజెంట్ జీవితం చుట్టూ తిరుగుతూ ఉంటుంది. ఈ మధ్యే మూడవ సీజన్ కి సంబంధించిన అధికారిక ప్రకటన బయటకు వచ్చింది. సిరీస్ విడుదలకు సంబంధించిన మరిన్ని వివరాలు త్వరలో వెలువడనున్నాయి.
