నందమూరి కల్యాణ్ రామ్ హీరోగా.. వశిష్ఠ దర్శకత్వంలో రూపొందిన చిత్రం ‘బింబిసార’. ఈ నెల 5వ తేదీన ప్రేక్షకుల ముందుకు వచ్చిన ఈ సినిమా తొలి రోజునే హిట్ టాక్ తెచ్చుకుంది. కల్యాణ్ రామ్ సొంత బ్యానర్లో నిర్మితమైంది. సోషియో ఫాంటసీ నేపథ్యంలో ఈ కథ నడించింది. వేరు వేరు కాలాలకు సంబంధించిన కథను ఆసక్తికరంగా ముందుకు నడిపించడంలో వశిష్ఠ సక్సెస్ అయ్యాడు. మొదటి సినిమానే ఈ స్థాయిలో తీశాడంటే ఈ తరహా సినిమాలను మున్ముందు మరో రేంజ్ లో చేయగలడనే అభిప్రాయాలు వ్యక్తమవుతున్నాయి.
ఈ నేపథ్యంలో తాజాగా ఈ సినిమా టీమ్ మేకింగ్ వీడియోను విడుదల చేసింది. ఈ సినిమా కోసం జరుగుతున్న సెట్ నిర్మాణం .. డాన్సులు .. ఫైట్లు కంపోజ్ చేస్తున్న సన్నివేశాలకి సంబంధించిన షాట్స్ పై మేకింగ్ వీడియోను రిలీజ్‌ చేశారు.
