తెలుగు యాంకర్‌ అనసూయ నటిస్తున్న తాజా చిత్రం ‘థ్యాంక్ యు బ్రదర్’. ఆమె ప్రధాన పాత్రలో జస్ట్ ఆర్డినరీ ఎంటర్‌టైన్‌మెంట్స్ పతాకంపై మాగుంట శరత్ చంద్రారెడ్డి, తారక్‌నాథ్ బొమ్మిరెడ్డి సంయుక్తంగా నిర్మిస్తోన్న ఈ సినిమాను నూతన దర్శకుడు రమేష్ రాపర్తి దర్శకత్వం వహించాడు. ఈ సినిమాలో అనసూయ ప్రెగ్నెంట్ ఉమెన్‌గా కనిపిస్తోంది. తాజాగా ఈ సినిమాకు సంబంధించిన ట్రైలర్ను చిత్రబృందం విడుదలచేసింది. ఈ ట్రైలర్‌లో అశ్విన్, అనసూయ అదరగొట్టారనే చెప్పోచ్చు. ప్రెగ్నెంట్ ఉమెన్‌గా ఉన్న అనసూయ ఓ లిఫ్టు‌లో అశ్విన్‌తో ఇరక్కుపోతోంది. అదే సమయంలో అనసూయకు పురిటినొప్పులు వస్తుంటాయి. తర్వాత ఏం జరగనుంది అనే సస్పెన్స్‌తో ట్రైలర్ను రూపోందించింది చిత్రబృందం. ఈ ట్రైలర్ను విక్టరీ వెంకటేష్ తన సోషల్ మీడియా వేదికగా రిలీజ్ చేశాడు. ఈ సినిమా త్వరలో ప్రేక్షకుల ముందుకు రానుంది.
‘థ్యాంక్ యు బ్రదర్’ ట్రైలర్‌.. అదరగొట్టిన అనసూయ
