కోలీవుడ్ స్టార్ హీరో విజయ్ నటిస్తున్న తాజా చిత్రం ‘లియో’. ఈ సినిమా త్వరలోనే ప్రేక్షకుల ముందుకు రానుంది. అక్టోబర్‌ 19న ప్రపంచవ్యాప్తంగా గ్రాండ్‌గా విడుదల కానుంది.ఈ సినిమా ఇంకా విడుదల కాకుండనే.. కొత్త మూవీ దళపతి 68 బ్యాక్ టు బ్యాక్ అప్‌డేట్స్‌తో అభిమానులను ఫుల్ ఖుషీ చేస్తోంది. ఇప్పటికే దళపతి 68 పూజా కార్యక్రమాలు పూర్తయ్యాయి. షూటింగ్ నేటి నుంచి షురూ కానుందని వార్తలు వచ్చాయని తెలిసిందే.
ఏఐ టెక్నాలజీతో ఓ పాటను షూట్‌ చేయబోతున్నారని, ఈ పాట కోసం భారీ సెట్‌ కూడా వేశారని ఇన్‌సైడ్‌ టాక్. రాజు సుందరం మాస్టర్ ఈ పాటకు కొరియోగ్రఫీ చేయబోతున్నట్టు సమాచారం. కాగా ఇప్పుడు ఈ సినిమాలో నటించిబోయే నటీనటులకు సంబంధించిన వార్తలు వైరల్‌గా మారాయి. తాజా టాక్ ప్రకారం మీనాక్షి చౌదరి ఫీ మేల్ లీడ్ రోల్‌లో నటిస్తుండగా.. ప్రశాంత్‌, ప్రభుదేవా, స్నేహ, మిక్ మోహన్‌, జయరాం ఇతర కీలక పాత్రల్లో కనిపించబోతున్నారట. దీనిపై మేకర్స్ త్వరలోనే క్లారిటీ ఇవ్వనున్నారని టాక్ నడుస్తోంది.
పొలిటికల్‌ థ్రిల్లర్‌ జోనర్‌లో పాన్ ఇండియా స్టోరీతో వస్తున్న ఈ సినిమాలో విజయ్ డ్యుయల్ రోల్‌లో నటిస్తున్నట్లు టాక్. దళపతి 68 పూజా ఈవెంట్‌ ఫొటోలు, వీడియోలను మేకర్స్ లియో రిలీజ్ తర్వాత షేర్ చేయనున్నట్టు తెలుస్తోంది. దళపతి 68లో అలనాటి అందాల హీరోయిన్ జ్యోతిక హీరోయిన్‌గా నటిస్తోంది. సెకండ్‌ హీరోయిన్ ఎవరనే దానిపై క్లారిటీ రావాల్సి ఉంది. ఈ చిత్రంలో ఎస్‌జే సూర్య విలన్‌గా కనిపించబోతున్నట్టు సమాచారం. దళపతి 68 మూవీని ఏజీఎస్‌ ఎంటర్‌టైన్‌మెంట్‌ ప్రొడక్షన్‌ బ్యానర్‌పై తెరకెక్కిస్తున్నారు. యువన్ శంకర్ రాజా సంగీతం అందిస్తున్నాడు.
