బుల్లి తెరపై అతిపెద్ద రియాలిటీ షో ‘బిగ్బాస్’. తెలుగులో ఇప్పటికే ఆరు సీజన్‌లు పూర్తి చేసుకున్న ఎడో సీజన్ ప్రేక్షకుల ముందుకు రానుంది. ప్రేక్షకులు కూడా ఈ షోపై ఎంతో ఆసక్తిగా ఎదురుచూస్తున్నారు. టాస్క్‌లు, గేమ్‌లు, ఛాలెంజెస్‌, వివాదాలు, వినోదం.. ఇలా అన్ని ఎలిమెంట్స్‌తో సాగుతూ అందరినీ టీవీలకు కట్టిపడేస్తుంది. తాజాగా గెట్‌ రెడీ అంటూ బిగ్ బాస్ సీజన్ 7 కూడా రాబోతుంది. స్టార్ మా, డిస్నీ+హట్‌ స్టార్‌లో సందడి చేయనుంది.
తాజాగా స్టార్ మా బిగ్ బాస్ తెలుగు సీజన్ 7 లోగోను విడుదల చేసింది. ఈ లోగో కలర్‌ఫుల్‌గా ఉంది. నీలం, ఎరుపు రంగుల సమ్మేళనంతో రూపొందించబడ్డ లోగో డిజైన్‌ ఇంటర్నేషనల్‌ ఫ్లేవర్‌ను జోడిస్తుంది, ఈ షో త్వరలో స్టార్ మా, డిస్నీ + హాట్‌స్టార్‌లో అందుబాటులోకి వస్తుంది. ఎక్జయిటింగ్‌ కౌంట్‌డౌన్ షురూ.. అని తెలియజేశారు మేకర్స్‌.
కాగా గత సీజన్‌లకు జూనియర్ ఎన్టీఆర్‌, అక్కినేని నాగార్జున, నాని సీజన్ల వారిగా హోస్టులుగా వ్యవహరించారు. అయితే ఈ సారి బిగ్ బాస్-7కు ఎవరు హోస్ట్‌గా వ్యవహరించబోతున్నారు అనేది ఆసక్తికరంగా మారింది. అయితే ఈ సారి హోస్ట్‌లు మారబోతున్నట్లు గతకొంతకాలంగా సోషల్‌ మీడియాలో వార్తలు వినిపిస్తున్న సంగతి తెలసిందే. ఈక్రమంలో పలువురు స్టార్ల పేరు కూడా వినిపించాయి. ఇక కంటెస్టెంట్లు విషయంలో కూడా అంతే క్యూరియాసిటితో ఉన్నారు ఆడియన్స్‌. వీటిపై క్లారిటీ రావలంటే.. మరికొన్ని రోజులు ఆగాల్సిందే.
