తెలుగు బిగ్‌బాస్‌ సీజన్‌-5 రేపు (ఆదివారం)తో ముగియనుంది. టైటిల్‌ విన్నర్‌ ఎవరన్న దానిపై సర్వంత ఉత్కంఠ నెలకొంది. ఈ సారి టాప్‌-5లో సన్నీ, షణ్ముక్‌, శ్రీరామ్‌, మానస్‌, సిరి ఉండగా.. టైటిల్‌ కోసం గట్టి పోటీ సన్నీ- షణ్ముక్‌ల మధ్యే ఉండనున్నట్లు తెలుస్తుంది. యూట్యూబ్‌ స్టార్‌గా ఎంట్రీ ఇచ్చిన షణ్నూ ఓటింగ్‌లో మాత్రం సన్నీ కంటే వెనుక ఉన్నట్లు అన్‌ అఫీషియల్‌ పోల్స్‌ ద్వారా తెలుస్తుంది.
ఇప్పటివరకు ఓటింగ్ పర్సంటేజీలను చూస్తే సన్నీనే టాప్‌లో ఉన్నాడని తెలుస్తోంది. 34% ఓట్లతో సన్నీ విన్నర్‌గా నిలిచాడని సోషల్‌మీడియాలో టాక్‌ వినిపిస్తుంది. టైటిల్‌ రేసులో ఉన్న షణ్నూ 31%ఓట్లతో రెండో స్థానంలో, 20% ఓట్లతో శ్రీరామ్‌ మూడవ స్థానంలో, 8% ఓట్లతో మానస్‌ నాలుగో స్థానంలో నిలవగా , అత్యల్పంగా సిరికి7%ఓట్లు వచ్చినట్లు తెలుస్తుంది.
ఇప్పటివరకు లీకు వీరులు చెప్పినట్లుగానే ఎపిసోడ్‌ సహా ఎలిమినేషన్‌ ప్రక్రియ జరిగింది. దీంతో ఇప్పుడు మరోసారి లీకువీరులు అందించిన ఈ సమాచారం నిజమనే వాదనలు వినిపిస్తున్నాయి. మరి ఇందులో ఎంత నిజం ఉందనేది తెలియాలంటే ఫినాలే ప్రసారం అయ్యేవరకు ఎదురు చూడాల్సిందే.
