Prabhas Raja Saab Fan Glimpse:
యంగ్ రెబల్ స్టార్ ప్రభాస్ డైరెక్టర్ మారుతీ దర్శకత్వంలో.. రాజా సబ్ అనే సినిమా చేస్తున్న సంగతి తెలిసిందే. మొదట ఈ సినిమాపై అంచనాలు లేవు. మారుతి కెరియర్ గ్రాఫ్ కూడా అంతంతమాత్రంగానే ఉండటంతో.. సినిమా ఎలా ఉంటుందో అని అభిమానులలో సందేహాలు ఏర్పడ్డాయి. కానీ ఈ మధ్యనే విడుదలైన చిత్ర ఫ్యాన్ గ్లిమ్స్ సోషల్ మీడియాలో వైరల్ అయింది.
సలార్, కల్కి వంటి హిట్ సినిమాల కంటే ప్రభాస్ ఈ సినిమాలో.. ఇంకా హ్యాండ్సమ్ గా కనిపిస్తున్నారు అని చెప్పడం అతిశయోక్తి కాదు. గ్లింప్స్ లో ప్రభాస్ లుక్ కి ఫ్యాన్స్ ఫిదా అయిపోయారు. దీంతో సినిమాపై ఒక్కసారిగా అంచనాలు భారీగా పెరిగిపోయాయి. ఈ సినిమా ఎప్పుడు ఎప్పుడు విడుదలవుతుందా అని ప్రేక్షకులు ఆసక్తిగా ఎదురుచూస్తున్నారు. గ్లింప్స్ తో పాటు చిత్ర బృందం సినిమా ఏప్రిల్ 10, 2025 న విడుదలవుతుంది.. అని కూడా అధికారికంగా ప్రకటించింది.
వచ్చే ఏడాది సమ్మర్ సెలవులు ఈ సినిమాకి బాగా అడ్వాంటేజ్ అవుతాయని చెప్పుకోవచ్చు. అయితే ఆల్రెడీ వేసవిలో సినిమాని విడుదల చేద్దాం అని ఫిక్స్ అయి ఉన్న ఒక చిన్న హీరోకి మాత్రం ఈ సినిమా పెద్ద షాక్ ఇచ్చింది. ఆ హీరో మరెవరో కాదు తేజ సజ్జ. జాంబీ రెడ్డి, అద్భుతం వంటి సినిమాలతో మంచి పేరు తెచ్చుకున్న తేజ.. ఈ మధ్యనే హనుమాన్ సినిమాతో ప్యాన్ ఇండియా నటుడిగా మారిపోయాడు.
తేజ సజ్జ హీరోగా త్వరలో ప్రేక్షకులు ముందుకు రాబోతున్న సినిమా మిరాయి. ఈ సినిమా మీద కూడా భారీ అంచనాలు ఉన్నాయి. ఈ సినిమాని వచ్చే ఏడాది సమ్మర్లో విడుదల చేద్దామని చిత్ర బృందం ప్లాన్ చేస్తోంది. కానీ అదే సమయంలో ప్రభాస్ సినిమా విడుదల అవుతున్న సంగతి తెలిసిందే. పైగా భారీ అంచనాల మధ్య విడుదలవుతున్న ప్రభాస్ సినిమా కలెక్షన్లు ఏ రేంజ్ లో ఉంటాయో.. కల్కి సినిమా ఇప్పటికే నిరూపించింది.
కాబట్టి ప్రభాస్ సినిమాతో క్లాష్ అవ్వకపోవడమే మంచిది అని.. తేజ సజ్జ తన సినిమాని వాయిదా వేసుకోవాల్సిన పరిస్థితి ఏర్పడింది. నిజానికి నిరాయి సినిమా ఏప్రిల్ 18 న విడుదల కావాలి. మరి ఈ సమయంలో తేజ తన సినిమాని విడుదల చేస్తారా లేదా వాయిదా వేస్తారా చూడాలి.
