తేజ సజ్జా, ప్రియా ప్రకాశ్‌ వారియర్‌ హీరో, హీరోయిన్‌లుగా నటిస్తున్న చిత్రం ‘ఇష్క్‌’. నాట్‌ ఏ లవ్‌ స్టోరీ అనేది ఉపశీర్షిక. యస్‌.యస్‌.రాజు డైరెక్షన్‌లో వస్తున్న ఈ చిత్రం జులై 30న ప్రేక్షకుల ముందుకు రానుంది. ఈ నేపథ్యంలో తాజాగా రిలీజ్‌ ట్రైలర్‌ని విడుదల చేశారు. రొమాంటిక్‌, థ్రిల్లింగ్‌ సన్నివేశాలతో తీర్చిదిద్దిన ఈ వీడియో ఆద్యంతం ఆసక్తిగాసాగింది. ‘నాకొక ఫైవ్‌ మినిట్స్‌ కావాలి’ అని కీలక సన్నివేశంలో తేజ చెప్పిన డైలాగ్‌ సినిమాపై ఆసక్తిని పెంచుతుంది.
ఈ చిత్రాన్ని ప్రముఖ నిర్మాత ఆర్‌.బి. చౌదరి సమర్పిస్తున్నారు. ఎన్వీ ప్రసాద్‌, పారస్‌ జైన్‌, వాకాడ అంజన్‌ కుమార్‌ నిర్మిస్తున్నారు. మహతి స్వరసాగర్‌ సంగీతం అందించారు. ఏప్రిల్‌లోనే విడుదలకావాల్సిన ఈ సినిమా లాక్‌డౌన్‌ కారణంగా వాయిదా పడింది.
