సూపర్‌గుడ్ ఫిలిమ్స్ పతాకంపై తేజ సజ్జా, ప్రియా ప్రకాష్ వారియర్ జంటగా రూపొందిన సినిమా ఇష్క్. ఈ చిత్రంద్వారా ఎస్.ఎస్. రాజు దర్శకుడిగా పరిచయం అవుతున్నాడు. ఆర్‌బీ చౌదరి సమర్పణలో ఎన్వీప్రసాద్, పారస్ జైన్, వాకాడ అంజన్ సంయుక్తంగా నిర్మిస్తున్నారు. ఈ చిత్రాన్ని ఈ నెల 23న విడుదల చేయాలనుకున్నారు. కానీ దేశవ్యాప్తంగా కరోనా మహమ్మారి విలయ తాండవం చేస్తున్న తరుణంలో చిత్రాన్ని వాయిదా వేస్తున్నట్లు నిర్మాతలు తెలిపారు. పరిస్థితులు చక్కబడిన తర్వాత విడుదల తేదీని వెల్లడించనున్నారు.
