నందమూరి తారకరత్న ఆరోగ్య అత్యంత విషమంగా ఉన్నట్లు తెలుస్తోంది. ఇటీవల కుప్పంలో నారా లోకేష్ ప్రారంభించిన యువ గళం పాదయాత్రలో నడుస్తూ ఒక్కసారిగా కుప్పకూలిపోయిన విషయం తెలిసిందే.
అయితే ఆయనకు గుండెపోటు వచ్చిందని నిర్ధారించిన అక్కడి ప్రైవేట్ హాస్పిటల్ వైద్యులు, వెంటనే మెరుగైన వైద్యం కోసం కుటుంబసభ్యుల సహకారంతో బెంగళూరు లోని నారాయణ హృదయాలయ ఆసుపత్రికి తరలించారు.
గత 23 రోజులుగా నారాయణ హృదయాలయలో చికిత్స పొందుతున్న తారకరత్నకు విదేశీ వైద్యులతో సైతం చికిత్స అందిస్తున్నారు. మధ్యలో కాస్త కోలుకున్నట్లు కనిపించినా.. మళ్లీ అదే పరిస్థితి నెలకొన్నట్లు పేర్కొంటున్నారు.
ఈ క్రమంలో మరికాసేపట్లో తారకరత్న ఆరోగ్యానికి సంబంధించిన హెల్త్ బులెటిన్ విడుదల చేయనున్నట్లు వైద్యులు ప్రకటించారు. ఈ నేపథ్యంలో బాలకృష్ణ, తారకరత్న కుటుంబ సభ్యులు బెంగళూరు చేరుకున్నట్లు తెలుస్తుంది.
