కోలీవుడ్ స్టార్ హీరో విజయ్‌కు తమిళ్ తో పాటు తెలుగులోనూ మంచి మార్కెట్ ఉంది. ఆయన సినిమాలు తెలుగులోకూడా విడుదల అయ్యి మంచి విజయాలను సాధిస్తాయి. ప్రస్తుతం విజయ్ ‘మాస్టర్’ సినిమా చేస్తున్నాడు. ప్రముఖ దర్శకుడు మురగదాస్ కలిసి విజయ్ ఇప్పటికే మూడు సినిమాలు ‘తుపాకి, కత్తి, సర్కార్’ సినిమాలను చేశాడు. ఈ మూడు సినిమాలు సూపర్ హిట్ అయ్యాయి. తాజాగా ఈ కాంబినేషన్ లో మరో సినిమా రాబోతున్నట్లు తెలుస్తోంది. ‘తుపాకి’కి సీక్వెల్ ఈ సినిమా తెరక్కెకబోతుంది అని అంటున్నారు. ఇప్పటికే మురగదాస్ విజయ్ కి ఈ స్టోరీ చెప్పారని.. దానికి విజయ్ గ్రీన్ సిగ్నల్ ఇచ్చాడని సమాచారం. విజయ్-మురుగుదాస్ కాంబినేషన్ లో వస్తున్న ఈ ప్రాజెక్ట్ పై సినీ వర్గాల్లో భారీగా అంచనాలు నెలకొన్నాయి. ఇదిలా ఉంటే ఈ సినిమాకు సంబందించిన క్రేజీ న్యూస్ ఒకటి సోషల్‌ మీడియాలో వైరల్‌ అవుతోంది. ఈ సినిమా మిల్కీబ్యూటీ తమన్నా నటిస్తుందట. నెగిటివ్ రోల్ కోసం తమన్నాను ఎంపిక చేశారట దర్శకుడు మురగదాస్ . ఈ సినిమాలో ఆమె పాత్రకు చాలా ప్రాధానత్య ఉంటుందని.. తమన్నా పాకీస్థానీ స్పైగా కనిపించబోతోందని వార్తలు వస్తున్నాయి. మరి తమన్నా కూడా ఈ ఛాలెంజింగ్ పాత్రలో మెప్పిస్తుందేమో చూడాలి.
స్టార్ హీరో సినిమాలో విలన్‌గా తమన్నా!
