తమిళ హీరో సూర్య కెరీర్‌లోనే అత్యధిక బడ్జెట్‌తో రూపొందుతున్న సినిమా కంగువ. ఇప్పుడు సూర్య అభిమానులంతా ‘కంగువ’ సినిమా కోసం ఎదురుచూస్తున్నారు. స్టూడియో గ్రీన్, యువీ క్రియేషన్స్ కలిసి నిర్మిస్తున్న ఈ సినిమాకు శివ దర్శకత్వం వహిస్తున్నాడు.
కంగువ సినిమా షూటింగ్ శరవేగంగా జరుగుతోంది. ఈ చిత్రానికి సంబంధించిన ఫస్ట్ గ్లింప్స్ తాజాగా విడుదల చేశారు. ఇవి సినిమాపై మరింత ఆసక్తిని పెంచుతున్నాయి. ఈ మూవీలో సూర్య డిఫరెంట్ లుక్‌తో కనిపిస్తున్నాడు. మరో 2 నెలల్లో ఈ సినిమా షూటింగు పార్ట్ పూర్తికానుంది.
తమిళంలో ‘కంగువ’ అంటే అగ్నిలా దేనినైనా దహించే శక్తి కలిగినవాడు, అత్యంత పరాక్రమవంతుడు అని అర్థం. కథకి తగిన టైటిల్ అనే అనిపిస్తోంది. ఈ సినిమాను 10 భాషల్లో ఇదే టైటిల్‌తో విడుదల చేయనున్నారు.
సూర్య సరసన దిశా పటాని హీరోయిన్‌. ఇంకా బాబీ డియోల్, జగపతిబాబు, యోగిబాబు ఇతర ముఖ్యమైన పాత్రలను పోషిస్తున్నారు. ఈ సినిమాకి దేవిశ్రీ ప్రసాద్ సంగీతం అందిస్తున్నాడు.
