తమిళ స్టార్‌ హీరో సూర్య.. పాండిరాజ్‌ డైరెక్షన్‌లో ఓ సినిమాలో నటిస్తున్న విషయం తెలిసిందే. ఈ చిత్రంలో ప్రియాంక అరుళ్‌ మోహన్‌ దీనిలో హీరోయిన్‌. సన్‌ పిక్చర్స్‌ సంస్థ ఈ చిత్రాన్ని నిర్మిస్తోంది. ‘సూర్య 40’ వర్కింగ్‌ టైటిల్‌తో దీనిని ప్రారంభించారు. సోమవారం చెన్నైలో పూజా కార్యక్రమాలతో షూటింగ్‌ ప్రారంభించినట్టు నిర్మాణ సంస్థ సోషల మీడియా ద్వారా తెలియజేసింది.
సూర్య మినహా ఇతర తారాగణం సెట్స్‌లో అడుగుపెట్టింది. సూర్య కూడా త్వరలోనే చిత్రీకరణలో పాల్గొననున్నారు. ఈ సినిమాకు డి.ఇమాన్‌ సంగీతం అందిస్తున్నారు. గతంలో పాండిరాజ్‌-సూర్య కాంబినేషన్‌లో ‘పసంగ 2’ చిత్రం రూపొందింది. తెలుగులో ‘మేము’ పేరుతో విడుదలైంది. మరోసారి వీరి కాంబో రీపిట్‌ కావడంతో ఈ సినిమాపై అంచనాలు పెరుగుతున్నాయి.
