కోలీవుడ్‌ స్టార్ సూర్య హీరోగా 42వ సినిమా తాజాగా చెన్నైలో గ్రాండ్‌గా లాంఛ్ అయిన సంగ‌తి తెలిసిందే. ఈ మూవీ రెగ్యుల‌ర్ షూటింగ్ నేడు చెన్నైలో మొద‌లైంది. తాజా అప్‌డేట్ ప్ర‌కారం చెన్నైలో 10 రోజుల పాటు చిత్రీక‌ర‌ణ జ‌రుగ‌నుంది. అనంత‌రం వ‌చ్చే నెల‌లో గోవా షెడ్యూల్ మొద‌లు కానుంది.
స్టూడియో గ్రీన్-యూవీ క్రియేష‌న్స్ బ్యాన‌ర్‌తో క‌లిసి ఈ చిత్రాన్ని నిర్మిస్తోంది. రాక్ స్టార్ దేవీ శ్రీ ప్ర‌సాద్ సంగీతం అందిస్తున్నాడు. బాలీవుడ్ హీరోయిన్ దిశా ప‌టానీ హీరోయిన్‌గా నటించనున్నట్లుగా తెలుస్తుంది. దీనిపై క్లారిటీ రావాల్సి ఉంది. తెలుగు – తమిళ భాషల్లో ఈ సినిమాను రూపొందిస్తున్నారు. ఇంకా టైటిల్ ఫిక్స్ కాలేదు. మాస్ ఎంట‌ర్‌టైన‌ర్‌గా వ‌స్తున్న ఈ సినిమాకు సంబంధించి మ‌రిన్ని వివ‌రాల‌పై త్వ‌ర‌లోనే స్ప‌ష్ట‌త రానుంది.
