సూపర్‌ స్టార్‌ రజినీకాంత్ సినిమాలే కాకుండా తాజాగా టీవీ షోతో బిజీ అయ్యారు. ఈయన ప్రస్తుతం మ్యాన్ వర్సెస్ వైల్డ్ షూటింగ్‌లో ఉన్నాడు. అక్కడే షూటింగ్ చేస్తుండగా ఆయన ప్రమాదానికి గురయ్యారు. ప్రస్తుతం ఈ షూటింగ్ కర్ణాటకలో బందిపుర టైగర్ రిజర్వ్‌లో జరుగుతుంది. జనవరి 28 నుంచి మూడు రోజుల పాటు అక్కడ షెడ్యూల్ ప్లాన్ చేసారు. మ్యాన్ వర్సెస్ వైల్డ్ షోలో భాగంగా ఆయన అక్కడే ఉన్నాడు. ఆ షో హోస్ట్ బేర్ గ్రిల్స్‌తో పాటు రజినీ ఈ షూటింగ్ చేస్తున్నాడు. షూట్ చేస్తున్నపుడు అనుకోకుండా రజినీ కిందపడ్డాడు. ఈ ప్రమాదంలో ఆయన భుజానికి గాయాలయ్యాయి. గాయం తీవ్రత మరీ ఎక్కువేం కాదని.. స్వల్ప గాయాలే అని వైద్యులు తెలిపారు. దాంతో ఉన్నపలంగా ఆయన షూటింగ్‌కు ప్యాకప్ చెప్పి చెన్నై వెళ్లిపోయాడు. రజినీ ప్రమాదం గురించి తెలుసుకుని ఫ్యాన్స్ ఆందోళన పడుతున్నారు. కొన్ని రోజుల కింద ఈ షోలో ప్రధాని నరేంద్ర మోడీ పాల్గొన్నారు. ఆయన తర్వాత ప్రముఖంగా వినిపించిన పేరు రజినీకాంత్.
British adventurer Bear Grylls arrives at Bandipur forest in Karnataka for a shoot with actor Rajinikanth for an episode of his show 'Man vs Wild'. pic.twitter.com/mIkSrOARSz
— ANI (@ANI) January 28, 2020
