హీరో సందీప్ కిషన్ హీరోగా నటించిన తాజా చిత్రం ‘ఊరు పేరు భైరవ కోన’. వ‌ర్ష బొల్లం, వైవా హ‌ర్ష, కావ్య‌థాప‌ర్ హీరోయిన్‌లుగా నటించిన ఈ సినిమా ఫిబ్ర‌వ‌రి 16న ప్రేక్ష‌కుల ముందుకు వ‌చ్చింది. ఈ సినిమా ఫస్ట్‌ షో నుంచే పాజిటిటవ్‌ రివ్యూస్‌ తెచ్చుకుంది.
తాజాగా సినిమాకి సంబంధించి మీమర్స్ తో ఏర్పాటు చేసిన మీట్‌లో ఒక కుర్రాడు అడిగిన డ‌బుల్ మీనింగ్ ప్రశ్నలకు అదిరిపోయే జవాబులు ఇచ్చాడు. ఈ మ‌ధ్య‌కాలంలో సినిమా ప్ర‌మోష‌న్స్ కి మీమర్స్ ని కూడా ఆహ్వానిస్తున్నాయి సినిమా టీమ్స్. వాళ్ల‌తో స్పెష‌ల్ ఇంట‌రాక్ష‌న్స్ ఏర్పాటు చేస్తున్నారు. అలానే ‘ఊరు పేరు భైరవ కోన’ సినిమా టీమ్ కూడా మీమర్స్ తో ఇంట‌రాక్ష‌న్ పెట్టింది.
దానిలో భాగంగా మూవీ టీమ్‌ని మీమర్స్ అంద‌రూ త‌మ‌కు తోచిన ప్రశ్నలకు అడిగారు. అయితే మ‌హేశ్ అనే కుర్రాడు మాత్రం డ‌బుల్ మీనింగ్ ప్ర‌శ్న‌లు అడిగాడు. “మీ పేరు భూమి క‌దా? మీ భూమి మాకు రాసిస్తారా?” లాంటి ప్రశ్నలకు వేయ‌డంతో హీరోయిన్ వ‌ర్ష బొల్లం స‌మాధానం చెప్పేందుకు కొంచెం ఇబ్బందిప‌డ్డారు. “ఆ ఛాన్స్ లేదు వేరే వాళ్ల‌కి ఇచ్చేశాను” అంటూ ఆమె స‌మాధానం చెప్పారు.
ఆ త‌ర్వాత ఆ కుర్రాడు సందీప్ కిషన్ తో మాట్లాడాడు. “సినిమాలో హీరోయిన్ తో అలా చేశారు క‌దా? ఎలా అనిపించింది? ఇద్ద‌రు హీరోయిన్ల‌తో చేశారు క‌దా? ఏ హీరోయిన్ తో బాగా అనిపించింది? ఏ హీరోయిన్ తో ఎక్కువ ఎంజాయ్ చేశారు?” అంటూ డ‌బుల్ మీనింగ్ అర్థం వ‌చ్చేలా క్వ‌శ్చ‌న్స్ అడిగాడు. దీంతో అప్ప‌టికే ఆ కుర్రాడిపై చిర్రెత్తి ఉన్న సందీప్ కిషన్ వార్నింగ్ ఇచ్చాడు. ‘ఈ క్వ‌శ్చ‌న్ కి నేను స‌మాధానం చెప్ప‌ను. కొన్ని జోక్ గా చెప్పినా కూడా డ‌బుల్ మీనింగ్ అవుతాయి. స్టేజ్ మీద చెప్ప‌ను. వేరే క్వ‌శ్చ‌న్ అడుగు చెప్తాను” అని క‌ట్ చేశాడు.
అయినా ఆ కుర్రాడు మ‌ళ్లీ మ‌ళ్లీ అలాంటి ప్ర‌శ్న‌లే వేయ‌డంతో సందీప్ ఇలా అన్నారు. “నీ మాతృభాష ఏంటి? తెలుగులో న‌టించ‌డం అనే పదం ఉంటుంది. యాక్టింగ్ ఎవ‌రితో బాగా చేశారు అని అడుగు. ఇలాంటి అల‌వాటు స్టార్ట్ చేసుకోవ‌ద్దు. ఇలా డ‌బుల్ మీనింగ్ గా అడ‌గ‌కు. నేను వ‌ద్దంటున్నా అడుగుతున్నావు. ఇది మంచిది కాదు మానుకో” అంటూ వార్నింగ్ ఇచ్చాడు సందీప్ కిషన్. దీంతో “సందీప్ భ‌య్యా.. భ‌లే చెప్పావు” అంటూ కామెంట్లు పెడుతున్నారు.
