మలయాళ యంగ్‌ హీరో దుల్కర్‌ సల్మాన్, మృణాళినీ ఠాకూర్ జంటగా నటిస్తున్న చిత్రం ‘సీతారామం’. రష్మికా మందన్నా, సుమంత్‌ కీలక పాత్రల్లో నటిస్తున్న ఈ సినిమాకిహను రాఘవపూడి దర్శకత్వం వహించారు. వైజయంతి మూవీస్‌ సమర్పణలో స్వప్న సినిమా పతాకంపై అశ్వనీదత్‌ నిర్మించిన చిత్రం ఇది. ఈ సినిమాలో లెఫ్టినెంట్‌ రామ్‌ పాత్రలో దుల్కర్‌ సల్మాన్, సీతగా మృణాళినీ ఠాకూర్, అఫ్రిన్‌ పాత్రలో రష్మికా మందన్నా కనిపించనున్నారు.
ఇదివరకు ఈ సినిమా నుంచి విడుదలైన టీజర్‌, ఫస్ట్ లుక్‌ పోస్టర్లు ఆకట్టుకున్నాయి. ఈ సినిమాలో సుమంత్‌ క్యారెక్టర్‌ను పరిచయం చేస్తూ ఫస్ట్ లుక్‌ పోస్టర్‌ను వీడియో ద్వారా విడుదల చేశారు. ఈ మూవీలో బ్రిగేడియర్‌ విష్ణు శర్మ పాత్రలో సుమంత్‌ నటిస్తున్నట్లు తెలుస్తోంది. ఆర్మీ అధికారిగా కొత్త లుక్‌లో సుమంత్‌ అట్రాక్ట్‌ చేస్తున్నాడు. ‘కొన్ని యుద్ధాలు మొదలు పెట్టడం మాత్రమే మన చేతుల్లో ఉంటుంది. ముగింపు కాదు’ అని సుమంత్‌ చెప్పే డైలాగ్‌ ఎఫెక్టివ్‌గా ఉంది. తెలుగు, తమిళ, మలయాళ భాషల్లో ఆగస్టు 5న ఈ సినిమా ప్రేక్షకుల ముందుకు రానుంది. ఈ చిత్రానికి విశాల్‌ చంద్రశేఖర్‌ సంగీతం అందిస్తున్నారు.
Unveiling the first look of yours truly as 𝐁𝐫𝐢𝐠𝐚𝐝𝐢𝐞𝐫 𝐕𝐢𝐬𝐡𝐧𝐮 𝐒𝐡𝐚𝐫𝐦𝐚
from #SitaRamam!🔗https://t.co/Zu0USKQfq6@dulQuer @mrunal0801 @hanurpudi @iamRashmika @Composer_Vishal @VyjayanthiFilms @SwapnaCinema @SonyMusicSouth #SitaRamamOnAug5 pic.twitter.com/kqXbcfflM9
— Sumanth (@iSumanth) July 9, 2022
