Razzakar: యాటా సత్యనారాయణ దర్శకత్వంలో బాబీసింహా, అనసూయ కీలక పాత్రల్లో నటించిన చిత్రం ‘రజాకార్’. ఈ సినిమాలో రాజ్ అర్జున్, మార్కండ్ దేశ్‌పాండే, ఇంద్రజ, తేజ్ సప్రు, తలైవాస్ విజయ్ ప్రధాన పాత్రల్లో నటించారు.గూడూరు నారాయణ నిర్మించిన ఈ సినిమాని యథార్ఘ ఘటనల ఆధారంగా తెరకెక్కించారు.
(మార్చి 15)న ప్రేక్షకుల ముందుకు వచ్చిన ఈ సినిమా పాజిటివ్ రెస్పాన్స్‌తో దూసుకెళ్తుంది. ఇక ఈ సినిమాను చూసిన ప్రేక్షకులు ఇంతటి దారుణాలు జరిగాయా? అని తమ చరిత్రను తెలుసుకుని ఆశ్చర్యపోతున్నారు. అప్పట్లో ప్రజలు ఎన్ని కష్టాలు పడ్డారో తెలుసుకుని చలించిపోతున్నారు.
తాజాగా ఈ సినిమా చూసిన యాంక‌ర్ సుమ క‌న‌కాల కూడా సోష‌ల్ మీడియా వేదిక‌గా స్పందించింది. ఈ సంద‌ర్భంగా ఆమె చేసిన ఎమోష‌న‌ల్ ట్వీట్ ఇప్పుడు వైర‌ల్ అవుతోంది. “కొద్దిసేప‌టి క్రిత‌మే ‘రజాకార్’ మూవీ చూశాను. ఆ సంఘ‌ట‌న‌లు, హైద‌రాబాద్ సంస్థానం స్వాతంత్ర్యం కోసం చేసిన పోరాటాన్ని చూసి గుండె ప‌గిలిపోయేలా ఉంది.
ఈ సినిమాలోని సంఘ‌ట‌న‌లు కళ్లకు క‌ట్టిన‌ట్లుగా చూపించినందుకు ద‌ర్శ‌కుడికి ధ‌న్య‌వాదాలు. అనసూయ, ప్రేమ, ఇంద్రజ, బాబీ సింహా ఇలా న‌టులంద‌రూ తమ పాత్రల్లో ఒదిగిపోయారు. చాలా బాగా నటించారు సింప్లీ సూప‌ర్బ్” అని త‌న ట్వీట్‌లో పేర్కొంది. ప్ర‌స్తుతం సుమ ట్వీట్ వైర‌ల్ అవుతుండ‌గా, దీనిపై నెటిజ‌న్లు త‌మ‌దైన శైలిలో స్పందిస్తున్నారు.
