RC17 Story:
మెగా పవర్ స్టార్ రామ్ చరణ్ ప్రస్తుతం గేమ్ చేంజర్ సినిమాతో బిజీగా ఉన్నారు. శంకర్ దర్శకత్వంలో ప్రేక్షకుల ముందుకు రాబోతున్న ఈ సినిమా మీద భారీ అంచనాలు నెలకొన్నాయి. ఈ సినిమా తర్వాత రామ్ చరణ్ బుచ్చిబాబు సనా దర్శకత్వంలో ఒక సినిమా చేయబోతున్నారు
ఆర్ సి 16 అనే వర్కింగ్ టైటిల్ తో తెరకెక్కుతున్న ఈ సినిమాలో జాన్వికపూర్ హీరోయిన్గా కనిపించనుంది. ఈ సినిమా షూటింగ్ ఎప్పుడెప్పుడు మొదలవుతుందా అని కూడా ఫాన్స్ ఆసక్తిగా ఎదురుచూస్తున్నారు. ఈ సినిమా తర్వాత రామ్ చరణ్ సుకుమార్ దర్శకత్వంలో ఒక సినిమాకి గ్రీన్ సిగ్నల్ ఇచ్చారు.
గతంలో వీళ్ళిద్దరి కాంబినేషన్లో వచ్చిన రంగస్థలం సినిమా ఇండస్ట్రీ హిట్గా నిలిచింది. దీంతో చెర్రీ సుక్కు కాంబినేషన్ మీద ప్రేక్షకులకి విపరీతమైన నమ్మకం ఉంది. ఆర్ఆర్ నరసింహతో గ్లోబల్ సార్ గా మారిపోయిన రామ్ చరణ్ కోసం సుకుమార్ గ్లోబల్ రేంజ్ లో హిట్ అవ్వగలిగే సత్తా ఉన్న స్క్రిప్ట్ ప్రిపేర్ చేస్తున్నట్లు తెలుస్తోంది.
సినిమాని ఎలాగో పాన్ ఇండియా రేంజ్ లో విడుదల చేయాలి. కేవలం తెలుగు ప్రేక్షకులను మాత్రమే కాకుండా.. ఇతర దేశాల్లో కూడా ప్రేక్షకులు కనెక్ట్ అయ్యే విధంగా ఈ సినిమా స్క్రిప్ట్ ఉండబోతుందట. దానికోసం ఒక ఇంటర్నేషనల్ కాన్ఫ్లిక్ట్ మీద సుకుమార్ స్క్రిప్ట్ సిద్ధం చేస్తున్నట్లు సమాచారం.
ఈ వార్త ఇప్పుడు సోషల్ మీడియాలో తెగ ట్రెండ్ అవుతుంది. రంగస్థలం లోనే రామ్ చరణ్ ను సరికొత్త అవతారంలో చూపించిన సుకుమార్ ఈ సినిమాలో ఎలా చూపించబోతున్నారు అని.. ఇప్పటినుంచి సోషల్ మీడియాలో చర్చ కూడా మొదలైంది. సినిమాకి సంబంధించిన మరిన్ని వివరాలు త్వరలో బయటకు రానున్నాయి.
