కలర్‌ఫొటో సినిమాతో గుర్తింపు తెచ్చుకన్న నటుడు సుహాస్‌. ఇటీవలే హిట్ 2లో కూడా మెరిశాడు. ఈ టాలెంటెడ్ యువ హీరో నటిస్తోన్న తాజా చిత్రం ‘రైటర్‌ పద్మభూషణ్‌’. ఫన్‌ ఫ్యామిలీ ఎంటర్‌టైనర్‌గా తెరకెక్కుతున్న ఈ చిత్రంలో ప్రొఫెషనల్‌గా కష్టాలు ఎదుర్కొనే అప్‌కమింగ్‌ రైటర్‌గా కనిపించనున్నాడు సుహాస్‌ .
షణ్ముఖ ప్రశాంత్‌ ఈ సినిమాతో డైరెక్టర్‌గా ఎంట్రీ ఇస్తున్నాడు. తాజాగా అమ్మ చెప్పని చందమామ కథ.. అంటూ ఈ సినిమా లుక్‌ ఒకటి విడుదల చేస్తూ రిలీజ్ డేట్‌ను ప్రకటించారు మేకర్స్. 2023 ఫిబ్రవరి 03న ప్రపంచవ్యాప్తంగా థియేటర్లలో గ్రాండ్‌గా విడుదల కానున్నట్టు మేకర్స్ ట్వీట్ చేశారు. ఈ సినిమాలో ఆశిష్‌ విద్యార్థి, రోహిణి మొల్లేటి, గోపరాజు రమణ, శ్రీ గౌరి ప్రియ ఇతర నటీనటులు కీలక పాత్రలు పోషిస్తున్నారు.
ఈ చిత్రాన్ని జీ మనోహరన్‌ సమర్పణలో లహరి ఫిలిమ్స్ -ఛాయ్‌ బిస్కెట్‌ ఫిలిమ్స్ బ్యానర్లపై అనురాగ్ రెడ్డి, శరత్‌ చంద్ర, చంద్రు మనోహర్‌ సంయుక్తంగా తెరకెక్కిస్తున్నారు. శేఖర్ చంద్ర, కల్యాణ్‌ నాయక్‌ సంగీతం అందిస్తున్నారు.
అమ్మ చెప్పని చందమామ కథ! ✍🏽❤️#WriterPadmabhushan Grand Theatrical Release on February 3rd, 2023 @ActorSuhas @TinaShilparaj #ShanmukhaPrasanth @AshishVid @Rohinimolleti @anuragmayreddy @SharathWhat @LahariFilm @LahariMusic pic.twitter.com/jNu8hNMGBn
— Chai Bisket Films (@ChaiBisketFilms) December 29, 2022
