నందమూరి బాలకృష్ణ ఫ్యాక్షన్ సినిమాలకు బాలయ్య పెట్టింది పేరు. ఈ తరహా సినిమాలు ఇప్పటికే బాలకృష్ణ నటించిగా.. అవి సంచలన విజయాలను నమోదు చేశాయి. ఈ క్రమంలో ఆయన నటిస్తున్న మరో ఫ్యాక్షన్ మూవీ ‘వీరసింహారెడ్డి’. గోపీచంద్ మలినేని దర్శకత్వంలో వస్తున్న ఈ సినిమా నుంచి తాజాగా ‘సుగుణ సుందరి .. సుర సుర సూపుల రాకుమారి’ అనే లిరికల్ సాంగ్ ను రిలీజ్ చేశారు. ‘సీమా కుట్టిందే .. సిట్టి సీమా కుట్టిందే … దిల్లు కందిపోయేలాగా దిట్టంగా కుట్టిందే’ అంటూ, బాలయ్య – శృతి హాసన్ పై చిత్రీకరించిన ఈ పాట నెటిజన్లను ఆకట్టుకుంటుంది.
తమన్ సంగీతం అందించగా.. రామ్ మిర్యాల .. స్నిగ్ధ శర్మ ఈ పాటను ఆలపించారు. ఈ చిత్రంలో దునియా విజయ్, వరలక్ష్మి శరత్‌ కుమార్ తదితరులు నటిస్తున్నారు. మైత్రీ బ్యానర్లో రూపొందిన ఈ సినిమా సంక్రాంతి కానుకగా జనవరి 12వ తేదీన ప్రేక్షకుల ముందుకు రానుంది.
