సుడిగాలి సుధీర్.. గురించి ప్రత్యేకంగా చెప్పనవసరం లేదు. సుధీర్ ఓ కామెడీ షోతో బుల్లితెరకు ఎంట్రీ ఇచ్చాడు. తనదైన యాంకరింగ్‌, కామెడీ, డ్యాన్స్‌తో ప్రేక్షకులకు దగ్గరయ్యాడు. పరిశ్రమలో అడుగు పెట్టిన అనతి కాలంలోనే ఎంతోమంది అభిమానులను సంపాదించుకున్నాడు సుధీర్. అలా వచ్చిన క్రేజ్‌తో వెండితెరపై హీరోగా మారాడు. ఈ క్రమంలోనే సాఫ్ట్‌వేర్‌ సుధీర్, 3 మంకీస్‌ సినిమాలతో అలరించిన సుధీర్ తాజాగా ‘కాలింగ్‌ సహస్ర’ అనే డిఫరెంట్‌ క్రైం స్టోరీతో ప్రేక్షకుల ముందుకు రానున్నాడు సుడిగాలి సుధీర్.
ఈ మూవీ టీజర్‌ను శుక్రవారం (ఏప్రిల్‌ 1) ప్రముఖ నిర్మాత అల్లు అరవింద్ విడుదల చేశారు. ఈ సందర్భంగా మూవీ యూనిట్‌కు ఆల్‌ ది బెస్ట్‌ చెప్పారు. ఒక నిమిషం 18 సెకన్ల నిడివితో ఉన్న ఈ టీజర్‌లో ప్రతి సన్నివేశం ఆసక్తి పెంచేలా ఉంది. రాధా ఆర్ట్స్‌, షాడో మీడియా ప్రొడక్షన్‌ సంయుక్త సమర్పణలో విజేష్‌ కుమార్ తయల్, చిరంజీవి పామిడి, వెంకటేశ్వర్లు కాటూరి నిర్మాతలుగా వ్యవహరించారు. అరుణ్‌ విక్కీరాల దర్శకత్వం వహించగా మోహిత్‌ రహ్మణియక్‌ సంగీతం అందించారు.
