అక్కినేని నాగార్జున హీరోగా నటించిన తాజా చిత్రం ‘వైల్డ్‌డాగ్‌’. అహిషోర్ సాల్మన్‌ డైరెక్షన్‌లో తెరకెక్కించారు. నిరంజన్ రెడ్డి, అన్వేష్‌ రెడ్డి నిర్మించిన ఈ సినిమా శుక్రవారం(ఏప్రిల్‌ 2)న విడుదలవుతోంది. వాస్తవ సంఘటనలతో తెరకెక్కిన ఈ చిత్రంలో నాగర్జున ఏసీపీ విజయ్‌ వర్మగా నటించాడు. ఇక ఈ సినిమా విడుదల తేది దగ్గరపడుతుండటంతో మూవీ ప్రమోషన్స్‌ స్పీడ్‌ పెంచేసింది చిత్రబృందం. గత చిత్రాలకు భిన్నంగా నాగ్‌ ‘వైల్డ్‌డాగ్‌’ ప్రమోషన్స్‌ చేస్తున్నారు.
ఇక తాజాగా ‘వైల్డ్‌ డాగ్‌’ వెండితెరపై కనిపించేందుకు చిత్రబృందం ఎంత కష్టపడిందో వివరిస్తూ ఓ వీడియోను ప్రేక్షకులతో పంచుకున్నారు. తెర వెనుక కథ అంటూ నాగార్జున, నిరంజన్ రెడ్డి, అహిషోర్, దియా మీర్జా, సయామీ ఖేర్‌, అలీరెజా, అతుల్‌ కులకర్ణి వంటి నటులు త‌మ అనుభ‌వాల‌ను వివ‌రించారు. ప్రస్తుతం ఈ వీడియో సోషల్‌ మీడియాలో వైరల్‌ అయింది.
