Mokshagna Heroine:
నందమూరి అభిమానులు ఎప్పటినుండో ఆసక్తిగా ఎదురుచూస్తున్న రోజు త్వరలో రాబోతుంది. బాలకృష్ణ తనయుడు మోక్షజ్ఞ త్వరలో సినీ ఇండస్ట్రీలో హీరోగా అడుగుపెట్టబోతున్నాడు. ఈ వార్త వచ్చి చాలా రోజులు అయినా కూడా.. నందమూరి అభిమానులలో ఆనందం మాత్రం రోజు రోజుకి పెరిగింది తప్ప తగ్గలేదు.
నిన్న మొన్నటిదాకా బొద్దుగా ఉన్న మోక్షజ్ఞ ఇప్పుడు ఫిట్ గా హ్యాండ్ సమ్ గా అందరి దృష్టిని ఆకర్షిస్తున్నారు. మోక్షజ్ఞ లేటెస్ట్ ఫోటోలు కూడా సోషల్ మీడియాలో వైరల్ అవుతున్నాయి. మోక్షజ్ఞ డెబ్యూ సినిమాకి యంగ్ డైరెక్టర్ ప్రశాంత్ వర్మ వంటి స్టార్ డైరెక్టర్ దర్శకత్వం వహించనున్న సంగతి తెలిసిందే.
అయితే ఈ చిత్రంలో మోక్షజ్ఞ సరసన ఎవరు నటిస్తారు అనే వార్త సోషల్ మీడియాలో చర్చనీయాంశంగా మారింది. గతంలో స్టార్ బ్యూటీ శ్రీ లీల ఈ సినిమాలో హీరోయిన్ గా నటిస్తుంది అని వార్తలు వినిపించాయి. తాజాగా ఇప్పుడు ఒక స్టార్ హీరోయిన్ చెల్లెలు ఈ సినిమాలో హీరోయిన్గా కనిపించనుంది అని టాక్ వినిపిస్తోంది.
ఆ స్టార్ హీరోయిన్ మరెవరో కాదు బాలీవుడ్ బ్యూటీ జాన్వి కపూర్. బాలీవుడ్ లో మంచి కంటెంట్ ఉన్న కథలను మాత్రమే చేస్తూ స్టార్ హీరోయిన్గా ఎదిగిన జాన్వికపూర్.. ఇప్పుడు ఎన్టీఆర్ దేవర సినిమాతో తెలుగు తెరకు కూడా పరిచయం కాబోతోంది. ఆమె చెల్లెలు ఖుషి కపూర్ మోక్షజ్ఞ సరసనా హీరోయిన్గా కనిపించనుంది అని వార్తలు వినిపిస్తున్నాయి.
శ్రీదేవి, బోని కపూర్ ల ముద్దుల కూతురు ఖుషి కపూర్ నందమూరి వారసుడు మోక్షజ్ఞ.. సినిమా చేయబోతున్నారు అంటూ ఇండస్ట్రీ వర్గాల బోగట్ట. అయితే దీని గురించిన అధికారిక ప్రకటన ఇంకా వెలువడాల్సి ఉంది. ఒకవేళ అదే నిజమైతే.. శ్రీదేవి ఇద్దరు కూతుర్లు.. టాలీవుడ్ కి కూడా పరిచయం అయిపోయినట్లే.
