Tilu Cube:సిద్దు జొన్నలగడ్డ నటించిన తాజా చిత్రం ‘టిల్లు స్క్వేర్’ సూపర్ హిట్‌ అయిన సంగతి తెలిసిందే. ఈ సినిమా వందకోట్ల కలెక్షన్స్‌ రాబట్టింది. ప్రస్తుతం పలు సినిమాలు షూటింగ్ దశలో ఉన్నాయి. మరో వైపు టిల్లు క్యూబ్ కు కూడా ప్లాన్‌ చేస్తున్నారు. దర్శకుడి ప్రకటన ఇంకా జరగనప్పటికీ మ్యాడ్ ఫేమ్ కళ్యాణ్ శంకర్ కు ఆ బాధ్యతలు ఇస్తారనే వార్తలు వచ్చిన సంగతి తెలిసిందే.
ఈ క్రమంలో ఈ మూవీకి సంబంధించిన ఓ ఆసక్తికర వార్త సోషల్‌ మీడియాలో చక్కర్లు కొడుతుంది. ఈ సినిమాలో హీరోయిన్‌గా పూజా హెగ్డేని తీసుకునే ఆలోచన జరుగుతున్నట్టు తెలుస్తుంది. ఆమె ఇంకా ఫిక్స్‌ కాలేదు కానీ ఆమెనే ఫిక్స్‌ చేయాలి అని చూస్తున్నట్లు తెలుస్తుంది.
ప్రస్తుతం పూజా హెగ్డే ఫామ్ లో లేదు. గత ఏడాది సౌత్ లో ఆమె ఒక్క సినిమా కూడా చేయ్యలేదు. హిందీలో సల్మాన్ సరసన కిసీకా భాయ్ కిసీకా జాన్ చేస్తే అది అల్ట్రా డిజాస్టర్ అయ్యింది. అయితే తెలుగులో.. గుంటూరు కారం కొంత భాగం షూటింగ్ చేశాక వదులుకోవాల్సి వచ్చింది. 2022లో అన్నీ సూపర్ ఫ్లాపులే. అయినా సరే సిద్దు మొగ్గు చూపడం వెనుక ఒక స్ట్రాటజీ ఉందంటున్నారు.
టిల్లు స్క్వేర్ కి అనుపమ పరమేశ్వరన్ ని ఎంచుకునే టైం చాలా కామెంట్స్ వచ్చాయి. అవకాశాలు తగ్గిపోయిన అమ్మాయిని తీసుకొచ్చి వర్కౌట్ చేస్తారాని. తీరా చూస్తే లిల్లీగా పాత్రలో ఒదిగిపోవడమే కాదు గ్లామర్ డోస్ తో కూడా మెప్పించింది. అయితే పూజా ఈ సినిమాలో నటిస్తే.. ఆమె పాత్ర ఎలా ఉండబోతుంది అనేది ఆసక్తికరంగా మారింది.
ఇదే కనుక నిజం అయితే కంబ్యాక్ కోసం ఎదురు చూస్తున్న పూజా హెగ్డే ఇది మంచి అవకాశం అనే చెప్పాలి. కాగా నాగ చైతన్యతో ఒక సినిమా ఓకే కావొచ్చనే టాక్ కూడా ఉంది. ఈ క్రమంలో దర్శకుల చూపు తన మీద పడ్డట్టే కనిపిస్తోంది. మరి టిల్లు ఫైనల్ గా ఏం చేస్తాడో చూడాలి. హీరోయిన్ కొరత ఉన్న టైంలో పూజా హెగ్డే హిట్టు కొట్టి ట్రాక్ లోకి వస్తుందేమో చూడాలి.
