OTT releases this week:
స్వయంవరం, నువ్వే కావాలి, నువ్వు నాకు నచ్చావ్, మన్మధుడు, మళ్లీశ్వరి వంటి బ్లాక్ బస్టర్ సినిమాలను అందించిన విజయ్ భాస్కర్ గత కొంతకాలంగా సినిమాల స్పీడ్ తగ్గించేశారు. తెలుగు సినిమాకు ఎన్నో వినూత్నమైన చిత్రాలను అందించిన ప్రముఖ దర్శకుడు కె. విజయ భాస్కర్, తాజాగా కుటుంబ కథా చిత్రం “ఉషా పరిణయం” తో మళ్లీ ప్రేక్షకులను అలరించేందుకు వచ్చారు.
విజయ భాస్కర్ క్రాఫ్ట్ బ్యానర్‌పై నిర్మితమైన ఈ చిత్రంలో, ఆయన కుమారుడు శ్రీ కమల్ కథానాయకుడిగా నటించారు. తొలిసారి తెలుగు తెరపై అడుగుపెడుతున్న తన్వి ఆకాంక్ష ఈ చిత్రంలో కథానాయికగా కనిపించారు. 2024 ఆగస్టు 2న థియేటర్లలో విడుదలైన “ఉషా పరిణయం” బాక్సాఫీస్ వద్ద పెద్దగా ప్రభావం చూపలేకపోయింది.
E Parichayam Parinayam varaka??
Parichayam varake na??#UshaParinayam from Nov 14A #VijayaBhaskarKraft‘s Film. ❤️🔥
A #RRDhruvan Musical 🎹@kamalsayz @tanviakaanksha @IamSeeratKapoor @lipsikabhashyam #SatishMutyala @TSeries @tseriessouth#EtvWin pic.twitter.com/Ii2AwkAbCb— ETV Win (@etvwin) November 11, 2024
అయితే, కథా పరంగా, కుటుంబ సంబంధాల విలువలను చక్కగా ప్రతిబింబించే ప్రయత్నం చేసిన ఈ సినిమా థియేటర్లలో ఆశించిన ఆదరణ పొందకపోయినా, ఇప్పుడు OTT ద్వారా కొత్తగా ప్రేక్షకులను ఆకట్టుకునేందుకు సిద్ధమైంది. ఈ చిత్రం నవంబర్ 14, 2024న ETV విన్ ప్లాట్‌ఫారమ్‌లో విడుదల కానుంది.
ఈ సినిమాలో శ్రీ కమల్, తన్వి ఆకాంక్షలతో పాటు వెన్నెల కిషోర్, శివాజీ రాజా, ఆమని, సుధ, ఆనంద్ చక్రపాణి, రాజిత, బాలకృష్ణ, సూర్య, మధుమణి వంటి ప్రముఖ నటీనటులు తమ నటనతో ప్రేక్షకులను అలరించారు. అలాగే, సంగీత దర్శకుడు ఆర్ ఆర్ ధృవన్ ఈ చిత్రానికి అందించిన స్వరాలు ప్రేక్షకుల్ని ఆకట్టుకున్నాయి.
ఇప్పటివరకు థియేటర్లలో మంచి విజయాన్ని సాధించకపోయినా, OTT లో “ఉషా పరిణయం” సినిమా కుటుంబ విలువలతో, మంచి కథతో ప్రేక్షకులను ఆకట్టుకుంటుంది అని చిత్ర బృందం ఆశిస్తోంది.
ALSO READ: Amaran OTT release postponed by a week
