మహేష్ బాబు పుట్టినరోజు సందర్భంగా ఆయన నటిస్తున్న సినిమాల నుంచి వరుస అప్డేట్స్ వస్తున్నాయి. ఇప్పటికే ‘సూపర్ స్టార్ బర్త్ డే బ్లాస్టర్’ అంటూ ‘సర్కారు వారి పాట’ నుంచి విడుదలైన స్పెషల్ మీడియాకు మంచి స్పందన వస్తోంది. ఈ నేపథ్యంలో మహేష్, త్రివిక్రమ్ కాంబినేషన్ లో రూపొందనున్న ‘ఎస్‌ఎస్‌ఎమ్‌బి 28’ మేకర్స్ ఓ స్పెషల్ వీడియోను ఆవిష్కరించారు.
వీడియో విజువల్స్ ‘అతడు’ సినిమా నుండి వాయిస్ ఓవర్‌తో మొదలవుతుంది. మహేష్ మునుపటి చిత్రాల నుండి తీసిన యాక్షన్, ఎమోషనల్ క్లిప్పింగ్స్ అన్నీ ఒకే దగ్గర చేర్చి ఈ వీడియో తయారు చేశారు. వీడియోలో మహేష్ నిజ జీవితంలో మానవతావాదం కూడా హైలైట్ చేశారు. వికలాంగులతో ఆయన ఉన్న క్లిప్పింగ్‌లు, అవసరమైన పిల్లలకు గుండె శస్త్రచికిత్సలు చేయడంలో సహాయపడటం కూడా వీడియోలో చూపించారు. చివరికి “ఎస్‌ఎస్‌ఎమ్‌బి 28″పై ఈరోజు సాయంత్రం 4:05 గంటలకు ప్రత్యేక ప్రకటన రానుందని ప్రకటించారు. ఈ వీడియోను మహేష్ అభిమానులు సోషల్ మీడియాలో విస్తృతంగా షేర్ చేస్తున్నారు.
Wishing the Happiest Birthday to the ever charming PRINCE & our SUPERSTAR @urstrulyMahesh garu ❤️
Special Update from team #SSMB28 at 4:05pm, Today! Stay Tuned 🌟 #Trivikram pic.twitter.com/bdj1Cf96jD
— Haarika & Hassine Creations (@haarikahassine) August 8, 2021
