టాలీవుడ్‌లో దర్శక ధీరుడు రాజమౌళి వరుస హిట్లులతో టాప్ డైరెక్టర్ గా వెలుగొందాడు. బాహుబలి సినిమాతో పాన్ ఇండియా డైరెక్టర్ గా మారిపోయాడు. అంతేకాదు.. ప్రపంచ సినిమా దృష్టిని కూడా ఆకర్షించాడు. ఇక త్వరలో రాజమౌళి ఇంటర్నేషనల్ స్థాయికి ఎదగబోతున్నాడు. జక్కన్న త్వరలో హాలీవుడ్ సినిమా తీయబోతున్నాడు. ప్రస్తుతం RRRతో బిజీగా ఉన్నాడు రాజమౌళి. ఈ సినిమా పూర్తయిన తర్వాత ఈ హాలీవుడ్ మూవీని లైన్లోకి తేనున్నారట. ఈ మేరకు ప్రముఖ హాలీవుడ్ సంస్థతో ఒప్పందాలు కూడా పూర్తయ్యాయని సమాచారం.
అయితే.. ఇక్కడ క్లారిటీ ఏమంటే బాహుబలి అమెరికా వెళ్లి సినిమా తీసేది ఉండదట. హాలీవుడ్ టెక్నీషియన్స్ తో హాలీవుడ్ సినిమాను ఇండియాలోనే తెరకెక్కిస్తారట. దీనికి స్టోరీ లైన్ కూడా సిద్ధమైందట. ఈ సినిమాకు సైతం స్టోరీని రాజమౌళి తండ్రి విజయేంద్రప్రసాద్‌ అందిస్తున్నారట. ఇక మరో సందేహం కూడా తెలుగు ప్రేక్షకులను మొదలైంది. RRR తర్వాత రాజమౌళి మహేష్ బాబుతో సినిమా చేస్తాను అని ప్రకటించాడు. మరి మహేష్ మూవీ తర్వాత ఈ మూవీ పట్టాలెక్కుతుందా? లేదంటే.. హాలీవుడ్ సినిమా తర్వాతే మహేష్ ప్రాజెక్టు లైన్లోకి వస్తుందా అన్నది చూడాలి.
