సుధీర్ బాబు హీరోగా నటించిన తాజా చిత్రం ‘శ్రీదేవి సోడా సెంటర్’. ఆనంది హీరోయిన్‌గా నటించిన ఈ సినిమాని విజయ్ చిల్లా – దేవిరెడ్డి శశి నిర్మించారు. కరుణకుమార్ దర్శకత్వం వహించాడు. గ్రామీణ నేపథ్యంలో సూరిబాబు – శ్రీదేవి అనే జంట మధ్య సాగే అందమైన ప్రేమకథ ఇది. ఈ సినిమా ఈ నెల 27వ తేదీన థియేటర్‌ల్లో విడుదల కానుంది.
ఈ నేపథ్యంలో ఈ సినిమా ట్రైలర్ ను విడుదలైంది. మహేశ్ బాబు చేతుల మీదుగా ఈ ట్రైలర్ రిలీజ్‌ అయింది. ఇప్పటివరకూ సినిమాకి సంబంధించిన ఆటపాటలు .. అల్లరి చూపిస్తూ వచ్చారు. కానీ ఈ సారి రొమాన్స్ తో పాటు యాక్షన్ .. ఎమోషన్ చూపించారు. ప్రేమ .. పెళ్లి .. ఈ మధ్యలో పరువు సృష్టించే గొడవలు ఈ ట్రైలర్ లో చూపించారు. ప్రేమకి పెద్దలు ఎదురుతిరగడం .. కథానాయకుడు తన ప్రేమకోసం ఎంతకైనా తెగించడం ట్రైలర్ లో ఆవిష్కరించారు. డైలాగ్స్ కూడా బాగున్నాయి. కంటెంట్ చూస్తుంటే యూత్ ను .. మాస్ ను ఒక రేంజ్ లోనే ఆకట్టుకునేలా అనిపిస్తోంది.
