మెగాస్టార్‌ చిరంజీవి హీరోగా నటిస్తున్న చిత్రం ‘వాల్తేరు వీరయ్య’. బాబీ డైరెక్షన్‌లో .. మైత్రీ వారు ఈసినిమాని నిర్మిస్తున్నారు.శృతి హాసన్ ఈ సినిమాలో హీరోయిన్‌గా నటిస్తుంది. వైజాగ్ నేపథ్యంలో .. జాలరుల జీవితాలతో ముడిపడి సాగే కథ ఇది. కొంతసేపటి క్రితం ఈ సినిమా నుంచి ‘నువ్వు శ్రీదేవైతే నేనే చిరంజీవంటా’ అనే ఒక లిరికల్ సాంగ్ రిలీజ్ చేశారు. “నువ్వు సీతవైతే నేను రాముడినంటా .. నువ్వు రాధావైతే నేను కృష్ణుడినంటా’ అంటూ ఈ పాట మొదలవుతోంది. దేవిశ్రీ ప్రసాద్ స్వరపరచడమే కాకుండా ఆయనే సాహిత్యాన్ని అందించిన ఈ పాటను, జస్ప్రీత్ – సమీరా భరద్వాజ్ ఆలపించారు.
మంచుకొండల్లోని అందమైన లొకేషన్స్ లో ఈ పాటను చిత్రీకరించారు. శేఖర్ మాస్టర్ కొరియోగ్రఫీ ఆకట్టుకునేలా ఉంది. సంక్రాంతి కానుకగా జనవరి 13వ తేదీన ఈ సినిమాను విడుదల చేయనున్నారు. ఈ సినిమాలో రవితేజ, వరలక్ష్మీ శరత్‌ కుమార్‌ కీలక పాత్రల్లో నటించారు.
