వారాహి చలనచిత్ర బ్యానర్‌పై కీరవాణి కొడుకు శ్రీసింహా హీరోగా ‘ఉస్తాద్’ సినిమా రూపొందుతున్న విషయం తెలిసిందే. ఈ సినిమాకు ఫణిదీప్ దర్శకత్వం వహిస్తున్నాడు. హీరోయిన్‌గా కావ్య నటిస్తోంది. సరైన హిట్ కోసం ఎదురుచూస్తున్న శ్రీసింహా తన ఆశలన్నీ ఉస్తాద్ సినిమాపైనే పెట్టుకున్నాడు.
ఈ మూవీకి సంబంధించిన ట్రైలర్‌ను తాజాగా విడుదల చేశారు. ట్రైలర్ చూస్తుంటే సినిమా ఒక ఇన్‌స్పైరింగ్ స్టోరీలా కనబడుతోంది. ట్రైలర్‌తో సినిమాపై కాస్త క్లారిటీ ఇచ్చే ప్రయత్నం చేశారు మేకర్స్‌. బైక్‌ను ఎంతగానో ప్రేమించే ఓ మిడిల్‌ క్లాస్‌ అబ్బాయి. ఆ బైక్‌ రైడింగ్‌ మీద ఉన్న ఇష్టమే అతన్ని పైలెట్ అయ్యేలా ప్రేరేపించేంత ప్రేమ. ఆ జర్నీలో అతడికి ఎదురయ్యే సవాళ్లేంటి అనే లైన్‌తో ఈ సినిమా సాగింది.
ప్రేమ.. ఫ్యామిలీ ఎమోషన్స్ .. ఆశయం వంటి అంశాలను టచ్ చేస్తూ ఈ కథ నడుస్తుంది. ఆగస్టు 12న ఈ సినిమాను రిలీజ్‌ చేస్తున్నట్లు చిత్రబృందం ప్రకటించింది. క్రిషి ఎంటర్‌టైన్‌మెంట్స్ బ్యానర్స్‌పై రాకేష్ రెడ్డి గడ్డం, హిమాంక్ రెడ్డి దువ్వూరు నిర్మిస్తున్నారు. అకీవా ఈ సినిమాకి సంగీతం అందిస్తున్నాడు.
