Sreeleela Remuneration:
యంగ్ అండ్ టాలెంటెడ్ హీరోయిన్ Sreeleela ఇప్పుడు కోలీవుడ్ ఎంట్రీకి రెడీ అవుతోంది. సుధా కొంగర దర్శకత్వంలో శివకార్తికేయన్ సరసన ‘ప్రశక్తి’ అనే చిత్రంతో తమిళ ఇండస్ట్రీలో అడుగు పెడుతోంది. అయితే ఈ సినిమా కోసం ఆమె తీసుకుంటున్న పారితోషికం ఇప్పుడు హాట్ టాపిక్‌గా మారింది.
ఒకప్పటి కన్నా శ్రీలీల రెమ్యూనరేషన్ భారీగా పెరిగిందని సమాచారం. తెలుగులో ఆమె ₹1.5 నుంచి ₹1.75 కోట్ల మధ్య పారితోషికం అందుకుంది. కానీ కోలీవుడ్ ఎంట్రీ కోసం ఈ మొత్తం గణనీయంగా పెరిగిందట. ఇండస్ట్రీ వర్గాల ప్రకారం, ఆమె క్రేజ్, గ్లామర్, డ్యాన్స్ స్కిల్స్ వల్ల తమిళ సినీ ప్రాజెక్టులకు మంచి అడ్వాంటేజ్ ఉందని చెప్పుకుంటున్నారు.
View this post on Instagram
తెలుగులోనే కాకుండా, బాలీవుడ్‌లో కూడా శ్రీలీల తన మార్క్ వేసేందుకు రెడీ అవుతోంది. ‘ఆశికీ 3’ అనే రొమాంటిక్ డ్రామాతో హిందీ పరిశ్రమలో అడుగుపెడుతోంది. ఈ సినిమాకి ఆమె ఏకంగా ₹2 కోట్లు రెమ్యూనరేషన్‌గా తీసుకుంటుందని సమాచారం. సౌత్ హీరోయిన్‌లకు బాలీవుడ్‌లో తక్కువ పారితోషికం ఇస్తారనే టాక్ ఉన్నప్పటికీ, శ్రీలీల తన మార్కెట్‌ని బలంగా పెంచుకుంటోంది.
టాలీవుడ్, కోలీవుడ్, బాలీవుడ్—మూడు ఇండస్ట్రీలలోనూ శ్రీలీల క్రేజ్ అమాంతం పెరిగిపోతోంది. ఆమె ఎనర్జీటిక్ డ్యాన్స్, గ్లామర్, గర్ల్-నెక్స్ట్-డోర్ అప్పీల్ చూసి అనేక మంది యంగ్ హీరోలు ఆమెతో కలిసి నటించాలనుకుంటున్నారట. తమిళంలో యువ హీరోలు ఆమెతో కలిసి స్క్రీన్ షేర్ చేసుకోవాల‌ని ఆసక్తిగా ఎదురుచూస్తున్నారని టాక్.
ఈ జోరు చూస్తుంటే.. రానున్న రోజుల్లో శ్రీలీల మరింత స్టార్డమ్ సాధించడం ఖాయం. బాలీవుడ్, కోలీవుడ్‌లో ఈమె టాలెంట్ ఎలా వర్కౌట్ అవుతుందో చూడాలి!
